लोकसभा निवडणुकीच्या रणधुमाळीत आज सर्वच जागांवरील कल येण्यास सुरुवात झाली आहे. अशात कल्याण आणि ठाणे लोकसभा मतदारसंघातील निवडणूक मोठी चुरशीची ठरलीये. कारण या दोन्ही मतदारसंघात ठाकरे विरुद्ध शिंदे गट अशी लढत झाली आहे. अशात सकाळपासून आलेल्या कलांमध्ये शिंदे गटाचे उमेदवार आघाडीवर असल्याचे दिसत आहे.
कल्याण लोकसभा मतदासरंघातून मुख्यमंत्री एकनाथ शिंदे यांचे पुत्र श्रीकांत शिंदे विरुद्ध ठाकरे गटाच्या वैशाली दरेकर यांच्यात थेट लढत झाली. अशात वैशाली दरेकर या ६९,२२५ मतांनी पिछाडीवर आहेत.
तर श्रीकांत शिंदे ६९,२२५ मतांनी आघाडीवर असल्याचं दिसत आहे. सध्या आलेल्या कलांनुसार श्रीकांत शिंदेंना १,५१,०२३ मतं तर वैशाली दरेकरांना ६९,२२५ मतं मिळाल्याचं दिसत आहे.
ठाणे लोकसभा मतदारसंघात शिवसेना शिंदे गटाचे नरेश म्हस्के विरुद्ध ठाकरे गटाचे राजन विचारे रिंगणात आहेत. येथे देखील राजन विचारे ६२,२४६ मतांनी पिछाडीवर आहेत.
तर नरेश म्हस्के ६२,२४६ मतांनी आघाडीवर असल्याचे दिसत आहेत. सध्याच्या आकडेवारीनुसार, नरेश म्हस्के यांच्या पारड्यात १,९४,४४९ मतं आहेत. तर राजन विचारेंना १,३२,२०३ मतं आहेत. आलेल्या कलांनुसार ठाण्यासह कल्याणमध्ये शिंदे गटाच्या कार्यकर्त्यांकडून जल्लोष सुरू करण्यात आला आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.