किडनी फंगल इन्फेक्शन ही एक दुर्मिळ पण गंभीर अशी समस्या आहे. जी विशेषतः अशा लोकांमध्ये दिसून येते ज्यांची रोगप्रतिकारक शक्ती कमकुवत असते. ही इन्फेक्शन सामान्यतः निरोगी लोकांना होत नाही. मात्र ज्या व्यक्तींना मधुमेहाचा धोका आहे त्यांना हा त्रास होऊ शकतो.

याशिवाय कॅन्सर, एड्स किंवा नुकतंच व्हायरल इन्फेक्शन झालं असेल अशांना देखील याचा त्रास होण्याची शक्यता आहे.

काय आहेत याची कारणं?

तज्ज्ञांच्या मतानुसार, मधुमेह हे किडनी फंगल इन्फेक्शनचं सर्वात सामान्य कारण आहे. उच्च साखरेची पातळी आणि कमकुवत प्रतिकारशक्तीमुळे बुरशी (फंगस) वाढण्यास योग्य वातावरण तयार होतं. कोरोनानंतर नंतर अनेक रुग्णांमध्ये किडनी फंगल इन्फेक्शन आणि ब्लॅक फंगसची लक्षणं दिसली होती. याचे मुख्य कारण म्हणजे व्हायरसमुळे शरीराची संरक्षणशक्ती कमकुवत होणं.

याची लक्षणं काय दिसून येतात?

किडनी फंगल इन्फेक्शनची लक्षणं सौम्य ते गंभीर स्वरूपाची असू शकतात. यामध्ये खालील बाबींचा समावेश होतो-

• लघवी करताना जळजळ किंवा वेदना

• वारंवार लघवी लागणं

• पाठीच्या मानेखालचा भाग दुखणं

• उलटी होणं किंवा मळमळ

• सतत ताप येणं

डॉक्टर सांगतात की, अती गंभीर प्रकरणांमध्ये पाठीच्या भागातील त्वचा कठीण होणं, काळसर दिसणं आणि खालावलेला रक्तदाब ही लक्षणं असू शकतात. काहीवेळा रुग्णाला आयसीयूमध्ये भर्ती करण्याची वेळ देखील येऊ शकते.

यावर कशा पद्धतीने उपचार केले जाऊ शकतात?

डॉक्टरांच्या म्हणण्यानुसार, फंगल अँटीबायोटिक्स म्हणजेच बुरशीवर परिणाम करणारी औषधं ही या समस्येवर उपचार करण्यासाठी फायदेशीर आहेत. योग्य वेळी औषधोपचार केल्यास किडनी फंगल इन्फेक्शनमधून रुग्ण पूर्णपणे बरा होतो. ही इन्फेक्शन दीर्घकालीन त्रास देत नाही.

काय उपाय केले पाहिजेत?

• विशेषतः ज्या लोकांना आधीपासून काही गंभीर आजार आहेत त्यांनी खालील गोष्टींचं पालन करणं गरजेचं आहे.

• दमट, धुळीचे किंवा अस्वच्छ वातावरण टाळा.

• मधुमेह, एड्स, कर्करोग यासारखे आजार असलेल्या लोकांनी डॉक्टरांनी दिलेले औषधं नियमित घ्यावीत.

• कोणतीही लक्षणं दिसल्यास वेळ वाया घालवू नका, लक्षणं गंभीर होण्यापूर्वी उपचार सुरू करा.

डिस्क्लेमर : वरील माहिती आम्ही फक्त वाचक-प्रेक्षकांना देत आहोत. आम्ही याचं समर्थन अथवा दावा करत नाही. कोणतेही उपचार, डाएट आणि औषधं तज्ज्ञांच्या सल्ल्यानंच घ्यावीत