योगाभ्यास करणे हे आरोग्याच्या दिशेने एक उत्तम पाऊल ठरू शकते कारण योगाभ्यासाचा शरीरावर सकारात्मक परिणाम होतो आणि शरीराची कार्यप्रणाली देखील सुधारते. वेगवेगळ्या योगासनांचा सराव केल्याने पचनसंस्था, स्वादुपिंड, आतडे आणि मूत्रपिंड यांसारख्या अवयवांचे कार्य सुधारू शकते, ज्यामुळे अनेक आरोग्य समस्यांपासूनही आराम मिळतो. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

त्याचप्रमाणे योगा केल्याने त्वचेचे आरोग्य (Health) देखील सुधारते. पण, अशी काही योगासने आहेत ज्यांच्या सरावाने चेहऱ्यावर दिसणाऱ्या काळ्या डागांची समस्याही कमी होऊ शकते. चेहऱ्यावरील डाग आणि सुरकुत्या दूर करण्यासाठी काही विशेष योगासनांचा सराव करून लोक काळे डाग कमी करू शकतात. त्या योग आसनांबद्दल जाणून घेऊया.

चक्रासन

त्वचेचे आरोग्य आणि चेहऱ्याचे सौंदर्य वाढवण्यासाठी चक्रासनाचा सराव खूप चांगला मानला जातो. याला अँटी एजिंग योग असेही म्हणतात. व्हील पोज किंवा चक्रासनामध्ये, योगाभ्यास करणाऱ्या व्यक्तीच्या शरीराची मुद्रा चाकासारखी बनते.

चक्रासनामध्ये चेहऱ्याकडे रक्ताभिसरण अतिशय जलद गतीने होते, परिणामी चेहरा (Face) चमकतो आणि चेहरा सुंदर दिसतो. या योग आसनाचा सराव केल्याने त्वचेवर विलंबाने सुरकुत्या दिसू लागतात.

सर्वांगासन

याला सौंदर्यवर्धक योग आसन म्हणून देखील ओळखले जाते, कारण सर्वांगासनाचा सराव करताना शरीराचे सर्व अंग आसन बनतात आणि म्हणूनच या आसनाचा सराव केल्याने शरीराच्या सर्व अवयवांवर परिणाम होतो.

त्यामुळे चेहऱ्याची आणि संपूर्ण शरीराची त्वचाही सुधारते. सर्वांगासनाचा सराव करताना, आसन करणाऱ्या व्यक्तीने आपले पाय हवेत आणि मान जमिनीवर ठेवावी. तर संपूर्ण शरीराचे वजन खांद्यावर स्थिर करावे लागते. या आसनात चेहरा आणि डोक्याकडे रक्ताभिसरण झपाट्याने वाढते आणि चेहऱ्याची चमक वाढू लागते.

सर्वांगासनाचे इतर फायदे

• चेहऱ्यावर तेजस्वी चमक येते.

• केस निरोगी आणि चमकदार होतात.

• चेहऱ्यावरील पिंपल्स आणि काळे डाग कमी होतात.