सप्टेंबर महिना पॉलीसिस्टिक ओव्हरी सिंड्रोम जागरूकता महिना म्हणून साजरा केला जातो. गेल्या काही वर्षांमध्ये चुकीची जीवनशैली, अयोग्य आहार आणि तणावामुळे महिलांमध्ये PCOS म्हणजेच पॉलीसिस्टिक ओव्हरी सिंड्रोमची समस्या वाढली आहे. तज्ञांच्या मते, हे आजाराचे सुरुवातीचे लक्षण आहे. जे वेळेत ओळखले गेले, तर उपचार प्रभावी ठरतात आणि गंभीर परिणाम टाळता येतात.

PCOS च्या सुरुवातीच्या अवस्थेत महिलांना खालच्या ओटीपोटात वेदना जाणवू शकतात. काही वेळा सूज देखील जाणवते आणि त्यामुळे दैनंदिन जीवनात अडचणी निर्माण होतात. कोणत्याच कामात यश मिळत नाही. मासिक पाळीतील अनियमित किंवा जास्त प्रमाणातील रक्तस्राव हे देखील या सिंड्रोमचे महत्त्वाचे संकेत मानले जातात. वेदनादायक पाळी वारंवार होत असल्यास महिलांनी तज्ञ डॉक्टरांचा सल्ला घेणे आवश्यक आहे.

आरोग्यतज्ज्ञ सांगतात की, पॉलीसिस्टिक ओव्हरी सिंड्रोम केवळ प्रजनन आरोग्यावरच नाही तर संपूर्ण शरीरावर परिणाम करू शकतो. या आजारामुळे काही वेळा सांधेदुखी, पेल्विक भागात वेदना आणि सतत थकवा जाणवू शकतो. दिवसभर थकवा जाणवणे हे अनेक महिलांकडून दुर्लक्षिलं जातं, परंतु ते PCOS चे लक्षण असू शकते.

तज्ञांच्या मते, सुरुवातीच्या टप्प्यातच ही लक्षणे ओळखून जीवनशैलीत बदल, योग्य आहार आणि वैद्यकीय उपचार सुरू केले तर दीर्घकालीन दुष्परिणाम टाळता येतात. त्यामुळे महिलांनी आपल्या आरोग्याबाबत सजग राहून या लक्षणांकडे दुर्लक्ष करू नये. पॉलीसिस्टिक ओव्हरी सिंड्रोमचे वेळेत निदान केल्यास महिलांना निरोगी आणि तंदुरुस्त जीवन जगता येऊ शकते.