धुके आणि प्रदूषणामुळे लोकांना पुरेसा सूर्यप्रकाश मिळत नाही, त्यामुळे व्हिटॅमिन डीची कमतरता वाढत आहे. त्यामुळे तज्ञांनी एकाच वेळी व्हिटॅमिन डीचा उच्च डोस घेणे अत्यंत धोकादायक असल्याचे म्हटले आहे. AIIMS च्या एंडोक्राइनोलॉजी विभागाचे डॉ. रविंदर गोस्वामी म्हणाले की, 6,00,000 IU चे व्हिटॅमिन डी इंजेक्शन हाडांच्या आरोग्यावर नकारात्मक परिणाम करू शकते. यामुळे किडनी स्टोनसारख्या गंभीर समस्याही उद्भवू शकतात. डॉ. गोस्वामी म्हणाले की व्हिटॅमिन डीच्या कमतरतेवर मात करण्यासाठी महिन्यातून एकदा 60,000 आययूचे सेवन पुरेसे आहे.

त्याचप्रमाणे, युनिव्हर्सिटी कॉलेज ऑफ मेडिकल सायन्सेसचे डॉ. एस.व्ही. मधु यांनी सांगितले की, कॅल्सीट्रिओल सारख्या सक्रिय ॲनालॉग्सचा वापर फक्त मूत्रपिंडाशी संबंधित समस्यांसाठी केला जातो आणि सामान्य व्हिटॅमिन डीच्या कमतरतेसाठी घेऊ नये.

नैसर्गिक व्हिटॅमिन डीचे कार्य

डॉक्टरांच्या मते, कॅल्शियम शोषण्यात व्हिटॅमिन डी महत्त्वाची भूमिका बजावते. हे हाडे मजबूत करण्यास आणि त्यांचे खनिजीकरण करण्यास मदत करते. व्हिटॅमिन डी सप्लीमेंट दूध, संत्र्याचा रस किंवा पाण्यासोबत घ्यावा, असा सल्ला तज्ज्ञांनी दिला आहे. पण ते थेट द्रव पदार्थांमध्ये मिसळण्याऐवजी प्रथम तोंडात ठेवावे.

प्रदूषण आणि व्हिटॅमिन डीची कमतरता

वाढते प्रदूषण आणि हिवाळ्यात कमी सूर्यप्रकाशामुळे, भारतीय लोकांमध्ये व्हिटॅमिन डीची कमतरता वाढत आहे. भारतीय त्वचेमध्ये असलेल्या मेलेनिनमुळे, सूर्यकिरणांपासून पुरेसे व्हिटॅमिन डी तयार करणे कठीण होते. यासाठी स्वच्छ आकाशात सकाळी 10 ते दुपारी 2 या वेळेत 15-30 मिनिटे सूर्यप्रकाश घेणे आवश्यक आहे.

अंडी आणि मासे

अंडी आणि मासे यांसारख्या खाद्यपदार्थांमध्ये व्हिटॅमिन डी असते, परंतु इतके कमी असते की यातूनच दैनंदिन शारिरीक गरजा भागवता येत नाहीत. संतुलित आहार आणि नियमित सूर्यप्रकाश याद्वारेच व्हिटॅमिन डीच्या कमतरतेवर नियंत्रण ठेवता येऊ शकते, असा सल्ला तज्ज्ञांनी दिला.

टीप : वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.

Written By: Sakshi Jadhav