India's Moonland in Ladakh

अनेक पर्यटकांचे लेह-लडाखला जाण्याचे स्वप्न असते. साहसी पर्यटकांना एकदा तरी लेह- लडाखला जायला आवडेल. लेह- लडाखमध्ये फिरण्यासाठी अनेक जागा आहेत. लेह- लडाखमध्ये एक ठिकाण आहे त्याला लडाखचा मूनलँड असेही म्हणतात.

लेह आणि कारगीलच्या मध्ये एक लहान गाव आहे. ज्याला मूनलँड असे म्हणतात. लेहपासून जवळपास १२० किमी अंतरावर लामायुरू गाव आहे. या गावाला मूनलँड म्हणून ओळखले जाते. याबाबत शास्त्रज्ञांनी सांगितले आहे की, या गावात जास्त प्रमाणात झाडे झुडपे नाहीत. तसेच जास्त हवादेखील नाही. त्यामुळे त्या गावाला मूनलँड म्हणतात. या गावात कोणत्याही प्रकारची झाडे नसल्याने तिथे निसर्गरम्य वातावरण नसते. परंतु हे गाव एकदम चंद्रासारखे दिसते.

या गावात जवळपास ४० वर्षांपूर्वी एक तलाव होता. काही वर्षांनी या तलावातील पाणी निघून गेले. त्यानंतर येथे मठ बांधण्यात आला. हा लेह- लडाखमधील एक प्रसिद्ध मठ आहे. येथे शास्त्रज्ञ चंद्र आणि मंगळ यांसारख्या ग्रहांच्या संशोधनासाठी येतात.

या मठाला भेट देण्यासाठी दरवर्षी अनेक पर्यटक लेह लडाखला येतात. येथील वातावरण खूप जास्त चांगले आहे. येथील वातावरण हे चंद्रासारखे असल्याचे शास्त्रज्ञांचे मत आहे. येथे जाण्यासाठी लेह आणि कारगिल या ठिकाणांहून सकाळी १० ते १२ वाजताच्या सुमारास बस आहेत. या बसमधून तुम्ही मठापर्यंत पोहचू शकतात.