Nandgaon Soldier: नांदगावच्या मांडवडमधील जवानाला लेह-लडाखमध्ये वीर मरण

अजय सोनवणे मनमाड (नाशिक)

Nandgaon Soldier Martyred in Leh Ladakh :

नाशिक जिल्ह्यातील नांदगावच्या मांडवड गावातील जवान संदीप मोहिते यांना वीर मरण आले आहे. भारतीय सैन्य दलातील जवान संदीप मोहिते काश्मीरच्या लेह लडाख भागात कार्यरत होते. लष्करात ते १०५ इंजिनियर रेजिमेंटमध्ये हवालदार या पदावर ते कार्यरत होते. कर्तव्यावर बजावत असताना त्यांना अपघात झाला त्यात त्यांना वीरमरण आल्याची माहिती प्रशासनाच्यावतीने देण्यात आली. (Latest News)

मोहिते यांच्या पश्चात त्यांच्या घरी आई - वडील, पत्नी, दोन लहान मुले, दोन भाऊ असा मोठा परिवार आहे. त्यांच्या निधनाच्या वृत्तामुळे मांडवड गावासह नांदगाव तालुक्यात शोककळा पसरलीय.

 ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

अमळनेरमधील जवानाला वीर मरण

अमळनेरमधील जवानालाही मे २०२३ मध्ये वीर आले होते. लोण (ता. अमळनेर) येथील लिलाधर नाना पाटील (वय ४२) हे आसाममधील गुवाहाटी येथे सैन्यदलात नोकरीला होते. बदलीच्या ठिकाणी जाणाऱ्या आर्मीच्या वाहनाला अपघात झाला होता. त्यात लिलाधर पाटील यांचे वीर मरण आले होते.

लिलाधर नाना पाटील (वय ४२) हे आसाममधील गुवाहाटी येथे सैन्यदलात नोकरीला होते. त्यांचा कार्यकाळ संपल्यानंतर त्यांनी दोन वर्षे वाढवून घेतले होते. आसामहून ४०० किलोमीटरवर असलेल्या अरुणाचल प्रदेशात त्यांची बदली झाली होती. आर्मीच्या ट्रकमध्ये २० जणांची तुकडी नेली जात होती. लिलाधर हे मागे बसले होते. पहाडी रस्त्यात अचानक ट्रकचे मागील फाटक तुटल्याने लिलाधर पाटील हे खाली पडले. यात त्‍यांना दगडाचा मार लागल्याने त्यांचा जागीच मृत्यू झाला.

मालेगाव पोलीस दलातील आयना डॉग रिटायर

संवेदनशील म्हणून ओळखल्या जाणा-या नाशिकच्या मालेगावमधील बी. डी. एस म्हणजेच बॉम्ब शोधक आणि नाशक पथकात गेल्या १० वर्षापासून कार्ययरत असणारी आयना नावाची डॉग ३१ जानेवारी रोजी सेवानिवृत्त झाली आहे. गेल्या दहा वर्षात आयनाने नाशिकच्या ग्रामिण भागात अनेक ठिकाणी घडलेल्या दरोडे, चोरीच्या घटनांचा शोध लावण्यात आपली महत्वाची भूमिका बजावली आहे. तिच्या सेवानिवृर्तीनंतर तिला जिल्हा पोलिस प्रमुखांच्या आदेशानंतर खासगी मालकास देण्यात येणार आहे.