लवंग म्हणजे फक्त मसाल्याचा स्वाद वाढवणारा घटक नाही, तर ती आरोग्यासाठीही अत्यंत फायदेशीर आहे. Syzygium aromaticum या वनस्पतीच्या फुलांच्या कळ्यांपासून मिळणारी लवंग सुगंधी आणि औषधी गुणांनी समृद्ध आहे. दररोज फक्त एक लवंग खाल्ल्याने हृदयाचे आरोग्य सुधारतं, कोलेस्टेरॉल नियंत्रणात राहतं आणि शरीरातील सूज कमी होते, असे अनेक संशोधनातून समोर आले आहे.

लवंगमध्ये Eugenol नावाचं जैविक संयुगे मोठ्या प्रमाणात आढळतात, ज्यात अँटिऑक्सिडंट आणि अँटी-इंफ्लेमेटरी गुणधर्म आहेत. ही संयुग शरीरातील oxidative stress कमी करतात, जे हृदयाच्या रोगाचं एक मोठं कारण आहेत. अँटिऑक्सिडंट्स मुक्त रॅडिकल्सचे प्रमाण कमी होतं आणि रक्तवाहिन्यांचं नुकसान होण्यापासून संरक्षण होत. शिवाय सूजही कमी होते. त्यामुळे कोलेस्टेरॉलचं प्रमाणही नैसर्गिकरीत्या संतुलित राहतं.

संशोधनानुसार, लवंग नियमित सेवन केल्यास LDL म्हणजेच वाईट कोलेस्टेरॉल कमी होतं आणि HDL म्हणजे चांगलं कोलेस्टेरॉल वाढतं. यामुळे हृदयाची कार्यक्षमता सुधारते आणि अ‍ॅथेरोस्क्लेरोसिससारख्या आजारांचा धोका कमी होतो. लवंगमधील Eugenol हे संयुग LDL च्या ऑक्सिडेशनला थांबवतं, ज्यामुळे रक्तवाहिन्यांमध्ये प्लॅक तयार होण्याचा धोका कमी होतो. त्यामुळे हृदयविकार, स्ट्रोक आणि हायपरटेन्शनपासून संरक्षण मिळतं.

हृदयाच्या आरोग्याशिवाय लवंगाचे इतरही अनेक फायदे आहेत. ती शरीरातील सूज कमी करते, रक्तातील साखर नियंत्रित ठेवते आणि पचनसंस्थेची कार्यक्षमता सुधारते. पारंपरिक औषधांमध्ये लवंगाचा वापर पोटदुखी, गॅस आणि अपचनावर केला जातो. तसेच, लवंगातील Eugenol हे दातदुखी आणि हिरड्यांच्या समस्या कमी करण्यासाठी नैसर्गिक उपाय मानलं जातं.

टीप : वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.