सनातन धर्मानुसार गुरुवारी जगतपालक भगवान विष्णूची पूजा केली जाते. या दिवशी भगवान विष्णूला अर्पण म्हणून उपवास करण्याची परंपरा आहे. गुरुवारचा व्रत प्रामुख्याने स्त्रिया पाळतात. हा व्रत केल्याने साधकाला मनोकामना पूर्ण होते त्याचप्रमाणे जीवनातील दुःखांपासूनही मुक्ती मिळते.

ज्योतिषशास्त्रात गुरुवारी काही खास उपाय करण्याचं महत्व सांगितले आहे. हे उपाय केल्याने सुख, सौभाग्य आणि समृद्धी वाढते तसंच अडलेली कामं मार्गी लागतात. जर तुम्हालाही नोकरीत पदोन्नती किंवा यश हवं असेल तर गुरुवारी पूजेच्या वेळी हे उपाय जरूर करा.

तुलसी पूजन

जर तुम्हाला भगवान विष्णूची कृपा हवी असेल तर गुरुवारी तुलसी मातेला पूजन करा. पूजेच्या वेळी तुलसीला जल अर्पण करून तीन प्रदक्षिणा घाला. तुलसी पूजनाने भगवान विष्णू लवकर प्रसन्न होतात. यामुळे आयुष्यात धन, सुख आणि सौभाग्य वाढते.

भगवान विष्णूचा अभिषेक

गुरुवारी भगवान विष्णूच्या पूजेच्या वेळी त्यांचा अभिषेक गायीच्या कच्च्या दुधाने करा. या वेळी विष्णु चालीसाचे पठण करणं विशेष फलदायी मानलं जातं. यामुळे दुःख आणि संकटं दूर होतात.

पिवळ्या वस्तूंचं दान

ज्यांच्या कुंडलीत गुरु ग्रह कमकुवत असेल त्यांनी गुरुवारी पूजेनंतर पिवळ्या रंगाच्या वस्तूंचं दान करावं. मक्याचे दाणे, हरभऱ्याची डाळ, बेसन, केळी किंवा पिवळ्या रंगाचे कपडे दान करणं शुभ मानलं जातं. या दानाने गुरु ग्रहाची कृपा लाभते.

केळीच्या वृक्षाची पूजा

गुरुवारी स्नान-ध्यान करून पिवळ्या रंगाचे वस्त्र धारण करा आणि केळीच्या झाडाची पूजा अवश्य करा. यासाठी पाण्यात चिमूटभर हळद मिसळून केळीच्या झाडाला अर्घ्य द्या. या पूजनाने देवगुरु बृहस्पति प्रसन्न होतात आणि साधकावर त्यांची कृपा कायम राहते.