Shadashtak Yog: 20 जूनपासून 'या' राशींवर कोसळणार दुःखाचा डोंगर; शनी-मंगळ बनवणार धोकादायक षडाष्टक योग

ज्योतिष्य शास्त्रानुसार प्रत्येक ग्रह एका ठराविक काळानंतर त्यांच्या राशीमध्ये बदल करतात. यावेळी ग्रहांच्या गोचरमुळे खास योग तयार होतात. यामध्ये काही योग हे सकारात्मक आणि काही योग नकारात्मक प्रभाव देतात. शुक्रवार, 20 जून रोजी मंगळ आणि शनी विशेष ज्योतिषीय स्थिती तयार करतील, हे दोन्ही ग्रह एकमेकांपासून 150 अंशांचा कोणीय योग तयार करतील.

कुंडलीच्या सहाव्या आणि आठव्या भावात कोणतेही दोन ग्रह असल्यास हा कोणीय तयार होतो. वैदिक ज्योतिषशास्त्रात याला षडाष्टक योग म्हणतात. ज्यामुळे काही राशींना सावधगिरी बाळगण्याची गरज असणार आहे. या योगाच्या निर्मितीमुळे काही राशींच्या व्यक्तींना त्रास होण्याची शक्यता आहे. यामध्ये कोणत्या राशींचा समावेश आहे ते पाहूयात.

कर्क रास

षडाष्टक योगाची निर्मिती आपल्यासाठी हानिकारक ठरू शकणार आहे. तुम्हाला एखाद्या गोष्टीबद्दल मानसिक ताण येऊ शकतो. त्याचप्रमाणे नोकरदारांना कामाच्या ठिकाणी अडचणींना सामोरं जावं लागण्याची शक्यता आहे. त्यामुळे निष्काळजीपणा करू नका. पोट किंवा रक्तदाबाशी संबंधित समस्यांबाबत विशेष दक्षता घेणं आवश्यक आहे.

मकर रास

मकर राशीच्या लोकांसाठी षडाष्टक योगाची निर्मिती प्रतिकूल ठरू शकणार आहे. या वेळी तुमची तब्येत बिघडू शकते. या काळात आरोग्याशी संबंधित काही समस्या उद्भवू शकतात. या काळात जोडीदारासोबत तणाव निर्माण होण्याची शक्यता आहे. वाहन चालवताना सावधगिरी बाळगा.

तूळ रास

षडाष्टक बनणं तुमच्यासाठी हानिकारक ठरू शकते. यावेळी तुमची तब्येत बिघडू शकते. कामाच्या ठिकाणी वाद विवाद किंवा वरिष्ठांशी मतभेद होऊ शकतात. घरातील एखाद्या सदस्यासोबत दुरावा निर्माण होऊ शकतो. व्यापाऱ्यांचं उत्पन्न थोडे कमी होणार आहे. अनावश्यक खर्चाला सामोरं जावं लागू शकतं.

(Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. आम्ही या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)