किडनी इन्फेक्शन म्हणजेच पायलोनेफ्रायटिस हा एक गंभीर आजार आहे. ही समस्या लघवीच्या मार्गातून सुरू होऊन थेट किडनीपर्यंत पोहोचू शकतो. जर याकडे वेळेत लक्ष दिलं नाही, तर हा संसर्ग जीवघेणाही ठरू शकतो. काही गंभीर प्रकरणांमध्ये तर किडनी ट्रान्सप्लांटसुद्धा करण्याची वेळ येऊ शकते.

तज्ज्ञांच्या म्हणण्यानुसार, या समस्येची लक्षणं वेळीच लक्षात घेतली तर त्यावर उपचार करणं तुमच्या फायद्याचं असू शकतं.

किडनी इन्फेक्शनची सुरुवात कशी होते?

बहुतेक वेळा हे इन्फेक्शन मूत्रमार्गातून म्हणजेच युरीन पथातून सुरू होतं. जसं की लघवीच्या ट्यूबमध्ये इन्फेक्शन झालं आणि योग्य उपचार न घेतल्यास ते किडनीत जातं. याची लक्षणं कोणती दिसून येतात ते पाहूयात.

पाठीच्या किंवा कमरेच्या भागात वेदना

सतत किंवा दोन्ही बाजूंनी कंबर-पाठीमध्ये वेदना जाणवणं हे सुरुवातीचं लक्षण असू शकतं. अशा वेदना अचानक होत नसून दीर्घकाळ राहतात.

लघवी करताना जळजळ

जर लघवी करताना जळजळ होणं, दुखणं किंवा अस्वस्थता वाटत असेल, तर हे मूत्रमार्ग किंवा किडनी इन्फेक्शनचं संकेत असू शकतं.

लघवीमध्ये रक्त दिसणं

लघवीमध्ये जर थोडं जरी रक्त आलं, तरी त्याकडे दुर्लक्ष करू नका. हे किडनीच्या सूज किंवा गंभीर इन्फेक्शनमुळे होतं. यावेळी तातडीनं युरीन चाचणी किंवा KFT (किडनी फंक्शन टेस्ट) करून घ्या.

सतत थकवा आणि अशक्तपणा जाणवणं

किडनी खराब होण्याची प्रक्रिया सुरू असल्यास, शरीरात टॉक्सिन्स जमा होऊ लागतात. यामुळे दिवसभर थकवा, अंगात उत्साह नसणं आणि सतत झोप लागणं ही लक्षणं दिसतात.

डिस्क्लेमर : वरील माहिती आम्ही फक्त वाचक-प्रेक्षकांना देत आहोत. आम्ही याचं समर्थन अथवा दावा करत नाही. कोणतेही उपचार, डाएट आणि औषधं तज्ज्ञांच्या सल्ल्यानंच घ्यावीत