एखाद्या व्यक्तीचा सहवास दुसऱ्या व्यक्तीच्या जीवनावर जास्त प्रभाव पडात असतो. यामुळे जर तुम्हाला यशस्वी भविष्य हवे असेल तर अशा लोकांसोबत राहण्याचा प्रयत्न करा जे यशस्वी आणि सक्षम आहेत. यशस्वी लोकांशी मैत्री केल्याने तुमचे नेटवर्क तर मजबूत होतेच, पण त्यांच्याकडून खूप काही शिकण्याची संधीही मिळत असते. परंतु यशस्वी लोक सहसा कोणाशीही मैत्री करत नाहीत. त्यांच्याशी मैत्री करणं खूप कठीण असते, असं तुम्हाला वाटत असलं तरी ते अशक्य असं काम नाहीये. यशस्वी लोकांशी तुम्ही चांगल्या गोष्टींसाठी मैत्री कशी करू शकता.

चांगल्या लोकांशी मैत्री करण्यासाठी, तुम्हाला चांगल्या ठिकाणी असणे खूप महत्वाचे आहे. यशस्वी लोक त्यांचा बहुतेक वेळ त्यांचे ज्ञान आणि आरोग्य सुधारण्यात घालवतात. त्यामुळे तुम्ही त्यांना लायब्ररी, इव्हेंट, जिम अशा ठिकाणी जाऊन त्यांच्याशी संपर्क वाढवू शकता. इतर सर्वांप्रमाणेच यशस्वी लोकांनाही छंद असतात. काहींना ट्रेक करायाला आवडते. तर काहींना पुस्तके वाचण्याची आवड असते. हे छंद तुम्ही जोपासले तर चांगल्या आणि यशस्वी लोकांशी संवाद करणं सुलभ होते.

लक्षात ठेवा मैत्री म्हणजे फक्त फायदा घेणे असा नाही. यशस्वी लोकांकडून शिकण्याची इच्छा बाळगा. त्यांचे अनुभव ऐका आणि प्रश्न विचारण्यास अजिबात संकोच करू नका. तुमचे ध्येय साध्य करण्यासाठी तुम्ही त्यांच्या सल्ल्याची मदत घेऊ शकता.

काही लोक यशस्वी लोकांचा सहवास फक्त त्यांच्या स्वार्थ मिळवण्याकरता करत असतात. पण हे योग्य नाहीये, जर तुम्हाला त्यांचे मित्र व्हायचे असेल तर त्यांच्याशी फक्त मदत मागण्यासाठी बोलू नका. ते काय म्हणतात ते ऐका आणि त्यांना वेळ द्या, त्यांचा वेळोवेळी सल्ला घ्या.