तुम्हीही घरच्या घरी काहीतरी मसालेदार बनवण्याचा प्रयत्न करताय, तर ही बातमी तुमच्यासाठीच आहे. आज तुम्हाला अशा एका रेसिपीबद्दल सांगणार आहोत, जी तुम्ही घरच्या घरी काही वेळातच बनवू शकता. हा पदार्थ खाण्यासाठी स्वादिष्ट तर आहेच, त्याचबरोबर आपल्या आरोग्यासाठीही फायदेशीर आहे.

स्वादिष्ट दाल खिचडी

डाल खिचडी हा एक असा पदार्थ आहे, जो लहान मुलांपासून ते वयोवृद्धांपर्यंत सर्वांनाच आवडते. ती बनवण्यासाठी सोप्पी तर आहेच आणि पौष्टिक देखील आहे. जर तुम्हाला घरच्या घरी डाल खिचडी बनवायची असेल, तर ही रेसिपी नक्की ट्राय करा.

डाल खिचडी बनवण्याचे साहित्य

मसालेदार डाल खिचडी बनवण्यासाठी लागणारे साहित्य. १ कप तांदुळ, १/२ कप मुगडाळ, १ बारीक चिरलेला कांदा, २ मोठे टॉमेटो, २ हिरव्या मिरच्या, १ इंच किसुन घेतलेलं आद्रक. १ चमचा हळद, १ चमचा धने पावडर, १ चमचा लाल मिरची पावडर, १ चमचा जीरा पावडर, १ चमचा गरम मसाला, चवीनुसार मीठ, कोथंबिर, लिंबाचा रस आणि एक कप तेल. या संपूर्ण साहित्याचा वापर करून तुम्ही स्वादिष्ट डाल खिचडी बनवू शकता.

मसालेदार डाल खिचडी बनवणयाची प्रक्रिया

मसालेदार डाल खिचडी बनवण्यासाठी तुम्हाला सर्वात आधी मुग डाळ स्वच्छ धुवून कमीत कमी ३० मिनीट पाण्यामध्ये भिजवून ठेवा. अशाच प्रकारे तांदुळ देखील दोन ते तीन वेळा स्वच्छ पाण्याने धुवून भिजवत ठेवा.

आता, एका कुकरमध्ये तेल टाका तेल चांगल्या प्रकारे तापल्यावर त्यात जीरा टाकून फोडणी द्या. त्यानंतर बारीक चिरलेला कांदा, हिरवी मिरची चांगल्या प्रकारे परतून घ्या. त्यात किसलेलं आद्रक घाला.

हे पदार्थ चांगल्या प्रकारे मिक्स करून घ्या. नंतर त्यात, हळद, धने पावडर, जीरा पावडर टाकून ते चांगल्या प्रकारे मिक्स करून घ्या. त्यानंतर टॉमेटो टाकून ते चांगल्या प्रकारे परतून घ्या. मसाले शिजले की त्यात भिजत ठेवलेले डाळ आणि तांदुळ टाका.

त्यात आता ४ ते ५ कप पाणी टाकून चवीनुसार मीठ घाला. कुकर बंद करून २ ते ३ शिट्ट्यांमध्ये शिजवून घ्या. थोड्या वेळानंतर गरमागरम डाल खिचडी प्लेटमध्ये काढून घ्या, त्यावर मस्त पैकी लिंबाचा रस पिळून कोथंबिर टाकून सर्व्ह करा.

आता तुमची मसालेदार खिचडी तयार आहे. जर तुम्हाला वाटले तर, त्यात कसूरी मेथी किंवा तुमच्या आवडीच्या भाज्या टाकू शकता. त्यामुळे तुमची डाल खिचडी आणखी स्वादिष्ट लागेल.

Edited By - Purva Palande