Maharashtra News Live Update: सातारा जिल्हा परिषदेतील 'त्या' नाट्याचा वचपा काढण्याची हीच वेळ; जयंत पाटलांचे कार्यकर्त्यांना आवाहन

हिंगोली जिल्ह्यांमध्ये पुन्हा एकदा आरोग्य व्यवस्थापनाचा गलथान कारभार पुढे आला आहे, लाखो रुपये खर्च करून जिल्ह्यात दाखल झालेल्या शव वाहतूक करणाऱ्या नव्या कोऱ्या रुग्णवाहिका वापराविना धूळ खात पडून आहेत, जिल्ह्यातील अनेक मृतदेह घेऊन न जाताच या रुग्णवाहिका एकाच जागेवर अडगळीत ठेवण्यात आल्या आहेत हिंगोलीच्या औंढा तालुक्यातील पिंपळदरी प्राथमिक आरोग्य केंद्राच्या परिसरात उभ्या केलेल्या या शववाहीकाचा व्हिडिओ सामाजिक कार्यकर्ते बापूराव घोंगडे यांनी सोशल मीडियावर प्रसारित केल्यानंतर ही बाब उघड झाली आहे दरम्यान या प्रकारानंतर आता जिल्हा आरोग्य विभागाने तातडीने धुळखात पडलेल्या या शव रुग्णवाहिका वापरण्यासाठी सुसज्ज करण्याची तयारी सुरू केली आहे.

उलवे आणि कामोठेनंतर आता कळंबोली परिसरातही वारंवार खंडित होणाऱ्या वीजपुरवठ्यामुळे नागरिकांचा संताप उफाळून आला आहे. गेल्या काही दिवसांपासून सुरू असलेल्या विजेच्या लपंडावाविरोधात स्थानिक रहिवाशांनी कळंबोली येथील महावितरण कार्यालयावर धडक देत तीव्र आंदोलन केले.

सांगली सातारा विधान परिषद निवडणुकीच्या निमित्ताने राष्ट्रवादीच्या शरद पवार पक्षाचे नेते जयंत पाटील आज सातारा दौऱ्यावर आले असताना त्यांनी घेतलेल्या पत्रकार परिषदेत सातारा जिल्हा परिषदेत गेल्या काही दिवसांत जे राजकीय नाट्य घडले, त्याविरोधातील राग मतदानातून व्यक्त करण्याची हीच पहिली आणि शेवटची संधी आहे, असे सांगत कार्यकर्त्यांनी आपला रोष मतपेटीतून दाखवून द्यावा आणि महाविकास आघाडीचे उमेदवार अभयसिंह जगताप यांच्या पाठीशी खंबीरपणे उभे राहावे असे आवाहन केले आहे.