महिला सन्मान बचत प्रमाणपत्र 1 एप्रिल 2023 पासून पोस्ट ऑफिसमार्फत चालवले जात आहे. प्रत्येक मुलीला आणि महिलेला आर्थिक सुरक्षा देण्यासाठी केंद्र सरकारने 2023-24 या आर्थिक वर्षाच्या केंद्रीय अर्थसंकल्पात महिला सन्मान बचत प्रमाणपत्र 2023 योजना जाहीर केली.
या योजनेंतर्गत, एक महिला स्वतः किंवा अल्पवयीन मुलीच्या वतीने पालकांद्वारे खाते (Account) उघडू शकते. या योजनेवर सर्वाधिक 7.5% वार्षिक व्याज दर दिला जातो, जो तिमाही आधारावर खात्यात जमा केला जाईल. खातेदार वार्षिक 1000 ते 2,00,000 रुपये जमा करू शकते. महिला सन्मान बचत पत्र योजना 31 मार्च 2025 पर्यंत 2 वर्षांसाठी उपलब्ध आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
महिला सन्मान बचत प्रमाणपत्र योजना काय आहे?
महिला सन्मान बचत प्रमाणपत्र योजना (Scheme) ही महिलांच्या पैशांच्या बचतीसाठी प्रोत्साहन देणारी आणि अधिक व्याज देण्याच्या उद्देशाने सुरू करण्यात आली आहे. ही योजना 1 एप्रिल 2023 पासून सुरू झाली. या योजनेचा लाभ फक्त भारतीय महिलांनाच मिळतो. कोणत्याही वयोगटातील महिलांना महिला सन्मान बचत प्रमाणपत्र योजनेचा लाभ मिळू शकतो.
यासाठी आधार कार्ड, पॅनकार्ड आणि फोटो (Photo) आवश्यक कागदपत्रे आहेत. मुदतपूर्ती पूर्ण झाल्यावर खात्रीशीर उत्पन्न मिळते. महिला सन्मान बचत प्रमाणपत्र योजनेत 2 वर्षांसाठी पैसे जमा करता येतात. यामध्ये तुम्हाला मॅच्युरिटीवर 2 वर्षांचे व्याज मिळते.
2 लाख रुपये गुंतवून येत्या 2 वर्षात किती परतावा मिळेल?
तुम्ही रु. 2 लाख गुंतवल्यास, पहिल्या तिमाहीनंतर तुम्हाला रु. 3,750 व्याज मिळेल. दुसऱ्या तिमाहीच्या शेवटी ही रक्कम पुन्हा गुंतवल्यानंतर, तुम्हाला रु. 3,820 व्याज मिळेल. त्यानुसार, योजना मॅच्यूअर झाल्यावर एकूण 2,32,044 रुपये प्राप्त होतील.
खाते उघडण्यासाठी या कागदपत्रांची आवश्यकता असेल -
पॅन कार्ड
आधार कार्ड
पत्ता पुरावा म्हणून तुम्ही वीज बिल भरू शकता
फॉर्म-1
ही रक्कम चेक किंवा रोखीने जमा करावी लागेल.
खाते उघडण्यासाठी काय करावे -
तुम्हालाही महिला सन्मान बचत योजनेअंतर्गत खाते उघडायचे असेल तर पोस्ट ऑफिस किंवा कोणत्याही बँकेत जा.
पोस्ट ऑफिसमध्ये जाऊन स्कीम फॉर्म भरा आणि सबमिट करा.
तुम्ही पोस्ट ऑफिसमध्ये पहिल्यांदाच खाते उघडत असाल तर तुमचा KYC फॉर्म नक्की सबमिट करा.
पॅन आधार व्यतिरिक्त, तुम्ही तुमचा पत्ता पुरावा केवायसी दस्तऐवज म्हणून सबमिट करू शकता.
तुम्ही तुमच्या खात्यात पैसे भरण्यासाठी रोख किंवा चेक वापरू शकता.
फॉर्म सबमिट केल्यानंतर आणि पेमेंट केल्यानंतर, पोस्ट ऑफिस तुम्हाला योजनेचे प्रमाणपत्र जारी करेल.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.