मेडिकल सायन्सने खूप प्रगती केली आहे. यामध्ये शास्त्रज्ञ विविध पद्धतीचे काही ना काही प्रयोग करत असतात. शास्त्रज्ञ अधिकतर पशुपक्ष्यांवर किंवा मृतदेहांवर संशोधन करत सतात. मात्र अमेरिकेमध्ये एक असं संशोधन झालं आहे, ज्यामध्ये शास्त्रज्ञांनी आत्म्याचं वजन किती असतं यावर संशोधन केलं आहे.

या संशोधनामध्ये शास्त्रज्ञांनी मृत्यूच्या दारात असलेल्या लोकांवर संशोधन केलं. ज्यामध्ये त्यांना आत्म्याचं वजन मोजायचं होतं. यावेळी तज्ज्ञांना लोकांच्या वजनात बदल दिसून आला. ज्यामुळे शास्त्रज्ञांना समजलं की, खरंच आत्मा असतो की नाही.

शास्त्रज्ञांनी कोणावर केले प्रयोग?

अमेरिकेतली एका शास्त्रज्ञ आणि डॉक्टर मॅकडोगलने १९०७ मध्ये आत्म्याचं वजन मोजण्यासाठी मृत व्यक्तींवर प्रयोग केला. या प्रयोगावर काम करताना त्यांनी अशा व्यक्तींच्या शरीराचं वजन मोजून घेतलं ज्यांचा थोड्याच वेळात मृत्यू होणार आहे. ज्यामुळे त्या व्यक्तींच्या मृत्यूनंतर तातडीने पुन्हा एकदा त्याचं वजन केलं जाईल. यामुळे खरंच त्या व्यक्तीच्या वजनात फरक पडला आहे का हे लक्षात येईल. जेणेकरून त्यांना आत्म्याचं वजन समजू शकेल.

मृत्यूनंतर किती कमी झालं वजन?

डॉक्टर मॅकडोगल यांनी माहिती घेतली तेव्हा पहिल्या रूग्णांचं मृत्यूनंतर २१ ग्रॅमने वजन कमी झालं होतं. तर दुसऱ्या एका रूग्णाचं वजनही मृत्यूनंतर काही प्रमाणात कमी झालं होतं. मात्र याच रूग्णाचं थोड्या वेळाने वजन पहिल्यासारखं मोजलं गेलं.

हा प्रयोग आणखी दोन व्यक्तींवर करण्यात आला तेव्हा मृत्यूनंतर त्यांच्याही वजन कमी दिसून आली. मात्र थोड्या वेळानंतर त्या दोघांचंही वजन पूर्वी पेक्षा वाढलं होतं. याशिवाय अजून एका रूग्णाचं मृत्यूनंतर २८ ग्रॅमने वजन कमी झालं.

कोणत्या कारणामुळे झालं वजन कमी?

शास्त्रज्ञांनी त्यांच्या प्रयोगाच्या आधारावर सांगितलं की, मृत्यूनंतर शरीरात अनेक बदल पाहायला मिळाले. त्यामुळे मृत्यूनंतर शरीराचं वजनही कमी झालं. जसं की ब्लड क्लॉटिंग, फुफ्फुसांमधून अखेरचा श्वास बाहेर पडणं, केमिकल रिएक्शन इत्यादी. मात्र जेव्हा सरकारला या प्रयोगांबाबत माहिती मिळाली तेव्हा त्यांनी यावर बंदी आणल्याची माहिती आहे.