Effects of Wrong sitting Posture in the Office :

कामाचा व्याप, बदलेली जीवनशैली व घरुन काम करण्याची सवय यामुळे आपल्या आरोग्यावर त्याचा परिणाम होऊ लागला आहे. ऑफिसमध्ये आपल्याला तासन तास बसण्याची सवय आपल्याला आरोग्याला घातक ठरु शकते.

आपल्यापैकी अनेक लोक लॅपटॉप किंवा कम्प्युटरवर खुर्चीवर बराच वेळ बसून राहातात त्यामुळे आपल्या पाठीच्या कण्यावर परिणाम होतो. अनेकदा आपण या गोष्टींकडे दुर्लक्ष करतो त्यामुळे आरोग्याचे अनेक विकार जडतात.

एका अहवलानुसार समोर आले आहे की, जे दिवसभर एकाच जागी बसून काम करतात त्यांना अनेक गंभीर समस्यांना सामोरे जावे लागते. साधारणपणे या समस्या एकाच ठिकाणी बसून काम करणाऱ्यामध्ये अधिक प्रमाणात आढळून येतात.

1.पाठदुखी

जर तुमची खुर्ची तुम्हाला पाठीमागे आधार देत नसेल आणि तुम्ही आधार न घेता बसून राहिल्यास पाठ दुखू (Back Pain) लागते आणि हे दुखणे मानेपासून सुरू होऊन मणक्याच्या हाडापर्यंत जाते.

2. लठ्ठपणा

जर तुम्ही एकाच स्थितीत बराच वेळ खुर्चीवर बसून कोणतीही हालचाल केली नाही तर तुमच्या शरीराचा (Body) खालचा भाग वाढू लागतो आणि येथे चरबी जमा होते.

3. एकाग्रतेचा अभाव

जेव्हा तुम्ही खुर्चीवर चुकीच्या स्थितीत बसून तासनतास काम करता, तेव्हा तुमची एकाग्रताही कमी होऊ लागते, कारण अस्वस्थपणे बसल्याने व्यक्तीचे लक्ष वारंवार त्याच जागेकडे जाते, त्यामुळे पाठ आणि हाताचा योग्य आधार घेऊन खुर्चीवर बसणे आवश्यक आहे.

4. खांदा दुखणे

जे लोक खुर्चीवर बसून लॅपटॉपवर (Laptop) काम करतात आणि कीबोर्डवर बोटे सतत हलवतात, त्यांच्या हातापासून खांद्यापर्यंत वेदना सुरू होतात.

5. शरीराला पुरेसे रक्त न मिळणे

तासनतास एकाच स्थितीत बसल्याने रक्ताभिसरणावरही परिणाम होतो. विशेषत: खुर्चीवर बसून काम केल्याने खांदे, पोट आणि कंबरेमध्ये रक्तप्रवाह नीट होत नाही, त्यामुळे शरीरात मुंग्या येणे किंवा बधीरपणा सारखी समस्या उद्भवते.

डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा