प्रत्येक नात्यात प्रेम हे खूप महत्त्वाचे असते. प्रेम आणि विश्वासाशिवाय कोणतेही नाते टिकू शकत नाही. प्रत्येकाची प्रेम करण्याची पद्धत वेगळी असते. प्रत्येकजण वेगवेगळ्या माध्यमातून प्रेम व्यक्त करतं. अनेकदा एखादा व्यक्ती आपल्या पार्टनरसाठी सरप्राईज प्लान करतो. तर अनेकदा पार्टनर प्रेम बोलून व्यक्त करतो. परंतु आपल्या पार्टनरसमोर मनातील बोलून प्रेम व्यक्त करण्यापेक्षा तुमच्या वागणुकीतून ते व्यक्त करा. तुमच्या रोजच्या सवयींमध्ये थोडा बदल करुन किंवा त्यांच्या आवडीच्या गोष्टी करुन तुम्ही प्रेम व्यक्त करु शकतात. आज आम्ही तुम्हाला प्रेम व्यक्त करण्ययाची वेगवेगळी पद्धत सांगणार आहोत.

पार्टनरचे ऐका

अनेकदा नातं घट्ट करण्यासाठी मनातल्या भावना बोलून दाखवण्यासोबतच समोरच्याच ऐकून घेणे महत्त्वाचे असते. प्रत्येक नात्यात आपल्या पार्टनरचे ऐकणे, त्याच्या मनातील भावना समजून घेणे महत्त्वाचे असते. यावरुनच तुम्हाला तुमच्या पार्टनरची सवय, आवड समजेल. त्यामुळे तुमच्यातील प्रेम वाढेल.

सहानुभूती दाखवा

जर तुमचा पार्टनर कोणत्या अडचणीत असेल, त्याला कोणत्या गोष्टीचे टेन्शन असेल तर तुम्ही त्याला सहानुभूती दाखवा. तुमच्या त्याच्या टेन्शनमध्ये असल्याने काहीच फरक पडत नाही, असं चुकूनही दाखवू नका. यामुळे तुमच्या नात्यात दुरावा येऊ शकतो.

संवाद न साधता समजून घेणे

आपल्याला आपल्या पार्टनरशी प्रत्येक गोष्ट बोललीच पाहिजे असं काही नाही. कधी कधी आपल्या वागण्या-बोलण्यावरुन त्याने आपल्या मनातील गोष्टी समजून घ्यायला हव्यात. आपल्या आवडीच्या गोष्टी करायला हवा. न बोलता एकमेकांशी संवाद साधायला हवा. यामुळे तुमचे तुमच्या पार्टनरवर किती प्रेम आहे, ते समजेल.

कौतुक करणे

कौतुक करणे हे प्रेमात खूप जास्त महत्त्वाचे असते. आपल्या पार्टनरच्या चांगल्या सवयींचे, त्याच्या उत्तम कामाचे नेहमी कौतुक करावे.जेणेकरुन आपला पार्टनर आनंदी होईल. त्यामुळे तुमचे प्रेम वाढेल. नातं आणखी घट्ट होईल.