हिवाळा सुरु झाला आहे. हिवाळ्यात नेहमी काहीतरी नवीन चटपटीत पदार्थ खायला आवडतात. त्यात भजी, वडापाव असे पदार्थ आपण नेहमीच खातो. परंतु कधीतरी नवीन काहीतरी खायची इच्छा होते. कुरकुरीत पदार्थ खाण्याची मज्जा काहीतरी वेगळीच असते.
आपण अनेकदा काहीतरी वेगळं म्हणून कचोरी बनवतो. कचोरीमध्ये बटाट्याच कचोरी आणि वेगवेगळ्या मसाल्याची कचोरी. राज्यात वेगवेगळ्या पद्धतीच्या कचोरी प्रसिद्ध आहेत. त्यात शेगाव कचोरी खूप जास्त फेमस आहे. ही कचोरी एका विशिष्ट मसाल्यापासून बनवलेली असते. मात्र, तुम्ही कधी मटार कचोरी खाल्ली आहे का? मटार कचोरी खायला एकदम चविष्ट आणि कुरकुरीत लागते आणि ती बनवायलादेखील खूप सोपी आणि झटपट होते. आज आम्ही तुम्हाला मटार कचोरीची रेसिपी सांगणार आहोत.
सर्वप्रथम मटार पूर्णपणे वाफवून घ्या. त्यानंतर ते मॅश करा. मॅश केल्यानंतर त्यात थोड तेल टाकून घ्या.
त्यानंतर फोडणी देऊन मसाला टाकावा. मसाल्यातील पाणी गायब होईपर्यंत मटारचे सारण परतून घ्या. हे सारण तुम्ही कचोरीत भरु शकता.
मटार सारणात थोडे भाजलेले बेसन टाका. हे सारणातील पाणी पूर्णपणे शोषून घेतील.
कचोरीचे सारण मऊ बनवून घ्या. जाडसर सारण कचोरीतून बाहेर येण्याची शक्याता असते.
त्यानंतर मैदा चांगला मळून घ्यावा. पीठ मळताना त्यात थोडे तूप किंवा तेल टाकावे. पीठ मळून झाल्यावर १५ मिनिटे बाजूला ठेवा.
मटारचे गरम सारण कचोरीत भरु नका. संपूर्ण सारण थंड झाल्यवर ते कचोरीत भरा.
कचोरी कुरकुरीत होण्यासाठी तेलाचे तापमान तपासा. तेल खूप जास्त गरम झाल्यास कचोरीला कुरकुरीतपणा येत नाही. त्यामुळे कचोरी नेहमी मंद आचेवर तळून घ्या.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.