रक्षाबंधन म्हणजे भाऊ बहिणीच्या अतूट प्रेमाचा सण होय. संपूर्ण वर्ष भावंडे रक्षाबंधन आणि भाऊबीज या सणांची आतुरतेने वाट पाहत असतात. बहिण भावाला या दिवशी राखी बांधून गोड खाऊ घालते. बहिणीने बांधलेली राखी भावाच्या चांगल्या आयुष्याची प्रार्थना असते. तर भाऊ बहिणीच्या रक्षणाची जबाबदारी घेतो. भाऊ- बहिणीमध्ये कितीही भांडणे झाली तरी हे प्रेमाच नातं फुलतचं जातं. यंदा १९ ऑगस्टला रक्षाबंधन असून अजूनही लाडक्या भावासाठी राखी खरेदी केली नसेल तर,ज्योतिष शास्त्रानुसार राखी खरेदी करताना कोणत्या गोष्टी लक्षात ठेवाव्या जाणून घ्या.

राखी खरेदी करताना 'या' गोष्टी लक्षात ठेवा

• राखी खरेदी करताना आकार लक्षात घ्यावा. जास्त मोठ्या आकाराची राखी खरेदी करू नये. यामुळे भावाच्या हाताला त्रास होऊ शकतो. मोठी राखी तुटण्याचा धोका जास्त असतो. तसेच राखी तुटणे हा अशुभ संकेत मानला जात

• राखीमध्ये काळा रंग नसावा याची काळजी घ्यावी. कारण काळा रंग पूजा साहित्यात अशुभ मानला जातो.

• ओम लिहिलेली राखी भावाच्या उज्जवल भविष्यासाठी फायदेशीर ठरते. त्यामुळे अशी राखी निवडावी.

• भावासाठी चांदीची राखी बनवणे कधीही चांगले राहील. यामुळे भावाच्या आयुष्यात सुख शांती आणि करिअरमध्ये प्रगती लाभेल.

• फॅशनच्या नादात कधीही क्रॉस, हाफ वर्तुळ असलेली राखी खरेदी करू नये.

• फुलं आणि मोत्यांनी भरलेली राखी भावासाठी शुभ मानली जाते.

• भावाच्या मनगटावर चुकूनही देवी- देवतांचे चित्र असलेली राखीही बांधू नये.

• राखी खरेदी करताना त्याची मजबूती पाहणे खूप गरजेचे असते. कारण अनेकदा काही वेळातच राखी तुटते किंवा घाणेरडी होते. जे की भावाच्या आयुष्यासाठी अशुभ मानले जाते.

• लहान मुलांना कितीही आवडत असले तरी त्यांच्यासाठी कार्टूनची राखी खरेदी करू नये.

टीप : वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं कुठलेही समर्थन अथवा दावा करत नाही.