Poha Vada Recipe In Marathi:

दररोज नाश्त्याला वेगवगळे पदार्थ काय बनवावे अशा प्रश्न गृहिणींना पडलेला असतो. रोज रोज पोहे, उपमा, शिरा खाऊन खूप कंटाळा येतो. त्यामुळे कधीतरी काहीतरी वेगळं खायची इच्छा होते. त्यामुळे बनवायला सोपी अशी पोह्यांच्या वड्याची रेसिपी आम्ही तुम्हाला सांगणार आहोत.

आपण नेहमी मेदूवडा, बटाटावडा खातो. परंतु हे वडे बनवण्यासाठी खूप जास्त वेळ लागतो. परंतु कधीतरी झटपट होणारा आणि चविष्ट असा पदार्थ बनवायचा असेल तर पोह्यांचे वडे नक्की बनवू शकता. पोह्याचे वडे चविष्ट आणि खुसखुशीत लागतो. त्यामुळे ही रेसिपी नक्की ट्राय करा. (Latest News)

साम्रगी

• पोहे

• तांदळाचे पीठ

• कांदा

• शिमला मिरची

• गाजर

• कोथिंबीर

• मिरची

• आले

• लाल तिखट

• धनेपूड

• हळद

• चाट मसाला

• तेल

• मीठ

कृती

• सर्वप्रथम पोह्यात पाणी घाला. ते स्वच्छ धुवून घ्या. त्यात पुरेसे पाणी टाकून पाच मिनिटे भिजत ठेवा.

• त्यानंतर पोह्यातील सर्व पाणी काढून घेऊन ते मॅश करुन घ्या. या पोह्यात तांदळाचे पीठ टाका.

• बारीक चिरलेला कांदा, शिमला मिरची, किसलेला गाजर, कोथिंबीर, मिरची, किसलेले आले टाका.

• या मिश्रणात लाल तिखट, धना पावडर, मीठ, हळद, चाट मसाला टाका. हे मिश्रण एकजीव करुन घ्या.

• या मिश्रणाला मेदू वड्यासारखा आकार द्या. त्यानंतर गॅसवर कढईत तेल गरम करा. मंद आचेवर हे वडे तळून घ्या.

• खमंग खुसखुशीत वडे तुम्ही पुदिण्याची चटणी किंवा सॉससोबत खाऊ शकतात.