पिठोरी अमावस्या तारीख:

हिंदू पंचागानुसार श्रावण महिन्यातील कृष्ण पक्षात येणाऱ्या अमावस्येला पिठोरी अमावस्या म्हणून ओळखली जाते. यंदा ही अमावस्या १४ सप्टेंबर रोजी आहे. या दिवशी पितृ तर्पण केले जाते. तसेच याला दर्श अमावस्या असे देखील म्हटले जाते. यादिवशी बैलपोळा देखील साजरा केला जातो.

पिठोरी अमावस्येला उपावासही केला जातो. पितृ तर्पणासोबत हा दिवस धनदेवतेच्या पूजेसाठी अत्यंत फलदायी आहे.

1. अमावस्या तिथी

श्रावणी (Shravan) पिठोरी अमावस्या गुरुवारी १४ सप्टेंबर रोजी पहाटे ४ वाजून ५० मिनिटांनी सुरु होईल तर समाप्ती शुक्रवारी १५ सप्टेंबर सायंकाळी ७ वाजून १० मिनिटांनी होईल.

2. पिठोरी अमावस्येला करा हे उपाय

• अमावस्येच्या दिवशी संपूर्ण घराची (Home) साफसफाई करा.

• या दिवशी घरात कोणताही कचरा ठेवू नका. या दिवशी घरात अंधार नसायला हवा.

• या उपायाने तुमच्या घरात कधीही पैशाची (Money) कमतरता भासणार नाही.

3. पितरांना कसे कराल प्रसन्न?

पिठोरी अमावस्येच्या दिवशी पितरांसाठी तर्पण, श्राद्ध आणि पिंड दान करावे. जर तुम्हाला या दिवशी तर्पण आणि श्राद्ध करता येत नसेल तर तुमच्या मृत पूर्वजांच्या नावाने एखाद्या गरजू व्यक्तीला वस्त्र, पैसा आणि अन्न दान करा. असे केल्याने तुमच्या पूर्वजांचा आशीर्वाद तुमच्यावर कायम राहील.

टीप : येथे दिलेली माहिती धार्मिक मान्यता आणि गृहितकांवर आधारित आहे. साम टीव्ही त्याचे समर्थन करत नाही.