आरोग्यासाठी पालेभाज्या या खूप फायदेशीर असतात. पालेभाज्यांच्या आहारात समावेश करायला हवा. पालेभाज्यांमुळे शरीराला खूप पोषण मिळते. अशीच एक पालेभाजी म्हणजे पालक. पालक हे शरीरासाठी खूप चांगले असते. परंतु लहान मुले पालकची भाजी खायला नाक मुरडतात. परंतु तुम्ही आता पालकची हिरवी इडली बनवू शकता. पालकची इडली ही शरीरासाठी पौष्टिक असते. त्याचबरोबर लहान मुलेही आवडीने खातात. आज आम्ही तुम्हाला या पालक इडलीची सोपी रेसिपी सांगणार आहोत.

पालक इ़डली बनवण्यासाठी साहित्य

• पालक

• हिरव्या मिरच्या

• लसूण

• तेल

• बर्फाचे तुकडे

• रवा

• दही

• मीठ

• इनो

कृती

सर्वप्रथम एका कढईत तेल गरम करुन घ्या. त्यात तेलामध्ये लसूण, बारीक चिरलेल्या मिरच्या टाका आणि चांगले परतून घ्या. यानंतर कढईत बारीक चिरलेली पालकची पाने टाका. त्यानंतर तीन ते चार मिनिटे शिजवून घ्या. हे पालक मिक्समध्ये बारीक करुन घ्या. यात दोन ते तीन बर्फाचे तुकडे टाकून त्यात थंड पाणी टाका. हे संपूर्ण मिश्रण मिक्सरमध्ये पूर्ण बारीक करुन घ्या. त्यानंतर एक कप रवा घ्या. त्यात दही टाका. रवा आणि दही एकत्रित करुन घ्या. त्यात बारीक चिरलेली पालकचे मिश्रण आणि थोडे पाणी टाका. यात चवीनुसार मीठ टाका. हे मिश्रण १५-२९ मिनिटे ठेवा. इडली पात्रात थोडे तेल लावा. तयार मिश्रणात इनो टाका. त्यानंतर एक चमचा पाणी टाकून घ्या. हे मिश्रण इडली पात्रात टाका. या इडली २० मिनिटे शिजवून घ्या. तुम्ही ही इडली कोणत्याही चटणीसोबत खाऊ शकतात.