New year 2023 Finance plan : नवीन वर्षात आपण अनेक जण काहींना काही संकल्प घेत असतो. काही ना नवीन शिकण्याची इच्छा असते तर काही नवीन वर्षापासून नियमित जिममध्ये जाण्याचे उद्दिष्ट ठेवतात, तर काहींनी आपल्या सवयी बदलण्याचा संकल्प केला आहे.

आज आम्ही तुम्हाला असेच काही आर्थिक उपाय सांगणार आहोत, ज्यामुळे तुम्‍हाला पैशांची बचत होण्‍यासोबतच भविष्‍यात कोणत्‍याही अडचणी किंवा मोठ्या खर्चासाठी तयार राहता येईल.

1. अनावश्यक खर्च

आर्थिकदृष्ट्या मजबूत राहण्याची पहिली पायरी म्हणजे अनावश्यक खर्चाला निरोप देणे. आपल्या अनावश्यक खर्चावर नियत्रण ठेवल्याने आपण आपले पैसे तर वाचवू शकतोच पण ते चांगल्या ठिकाणी गुंतवू शकतो. म्हणून, कोणत्याही प्रकारचे पैसे खर्च करण्यापूर्वी, ते आवश्यक आहे की नाही याचा दोनदा विचार करा. तसेच, तुमच्या महिन्यातील खर्चाच्या बजेटकडे लक्ष देण्याची सवय लावा.

2. बचतीला कायमचा तुमचा चांगला मित्र बनवा

अनावश्यक खर्चाला आळा घालण्याबरोबरच बचतीची सवय लावणेही तितकेच महत्त्वाचे आहे. तुमचे मासिक बजेट तयार केल्यानंतर तुम्ही दर महिन्याला तुमच्या उत्पन्नाचा काही भाग बाजूला ठेवावा. तुम्ही आत्तापर्यंत असे करत नसाल तर, स्वतःसाठी आवश्यक बचत कालावधी निश्चित करून 2023 पासून बचत योजना बनवा. ही सवय तुम्हाला भविष्यातील कोणत्याही संकटासाठी किंवा मोठ्या खर्चासाठी तयार ठेवते.

3. अवांछित हप्त्यांपासून अंतर ठेवा

क्रेडिट कार्डच्या जमान्यात किंवा हप्त्यांवर सहज वस्तू मिळण्याच्या काळात आपण नको असलेल्या हप्त्यांपासून दूर राहिले पाहिजे. आपण अनेकदा बाजारात जातो आणि सहज हप्त्यांवर उपलब्ध असलेला माल घरी आणतो आणि एक-दोन महिन्यांनी तो वापरत नाही. मात्र, त्याचे हप्ते आपल्याला मनाविरुद्ध भरावे लागतात. त्यामुळे नंतर पश्चाताप करण्यापेक्षा सावधगिरी नेहमीच चांगली असते.

4. योग्य ठिकाणी गुंतवणूक करा

गुंतवणूक हा बचतीचा सर्वोत्तम मार्गही मानला जातो. म्हणूनच आपण नेहमी लक्षात ठेवले पाहिजे की कुठे गुंतवणूक करावी आणि कुठे करू नये. आज बाजारात अनेक प्रकारच्या बचत योजना उपलब्ध आहेत. जर तुम्ही तुमचे पैसे गुंतवण्याआधी प्रत्येक प्रकारे तपासले तर ते तुम्हाला बचतीसोबत चांगले परतावा देऊ शकते. त्याचबरोबर आकर्षक योजना देणाऱ्या बनावट कंपन्यांच्या जाळ्यापासून दूर राहायला हवे.

5. तुमच्या पगार किंवा उत्पन्नामध्ये 50:20:30 नियमाचे पालन करा

या नियमानुसार (Rules), तुम्ही तुमच्या उत्पन्नाच्या 50% पर्यंत तुमच्याकडे असल्‍या किंवा आवश्‍यक असल्‍याच्‍या गरजांवर खर्च करा. उर्वरित उत्पन्नापैकी, 20 टक्के बचत आणि कर्जाची परतफेड यामध्ये विभागली पाहिजे, तर 30 टक्के रक्कम (Money) तुम्हाला पाहिजे त्या पद्धतीने वापरली जाऊ शकते.