Sakshi Sunil Jadhav
वरण भातासोबत रोजच्या भाज्या खाऊन कंटाळला असाल तर तुम्ही घरच्याघरी सोप्या पद्धतीने चटणी तयार करू शकता. यासाठी तुम्हाला जास्त मेहनतीची गरज भासणार नाही. पुढे आपण याची रेसिपी आणि काही टिप्स जाणून घ्या.
स्वच्छ धुतलेले आणि लालसर पिकलेले टोमॅटो या रेसिपीसाठी उत्तम असतात. याने चटणीचा रंग आणि चव दोन्ही अप्रतिम होते.
गॅस फ्लेमवर किंवा चुलीवर टोमॅटो दोन्ही बाजूने भाजा, साल काळपट आणि आतील भाग मऊ होईपर्यंत ते भाजा. म्हणजे टोमॅटो व्यवस्थित भाजला की चटणी लगेचच तयार होईल.
टोमॅटो थोडे थंड झाल्यावर त्यांची जळलेली साल काढून टाका. काळपट सालं चटणीत कडवटपणा आणतात.
शिजलेला मऊ टोमॅटो बशीत घेऊन चमच्याने बारीक करा. तुम्ही मॅशर सुद्धा वापरू शकता.
चिरलेला कांदा, हिरवी मिरची, लसूण आणि कोथिंबीर बारिक चिरून टाका.
मीठ, लाल तिखट आणि चिमूटभर हळद मिसळा. एक चमचा मोहरीचे तेल वरून टाका ही गावाकडील खासियत आहे.
सर्व साहित्य छान एकत्र करा आणि चव चाखून मसाले मिक्स करा. थंडीच्या दिवसांत भाकरी, पराठा, खिचडी किंवा भातासोबत खाल्ल्यास चव अप्रतिम लागेल.