घर कितीही स्वच्छ आणि नीटनेटकं ठेवलं तरी झुरळांचा त्रास सहन करावा लागतो. खरंतर झुरळे अन्न आणि उष्णतेच्या शोधात घरात शिरतात. घरातील किचन, बाथरुम आणि कपाटाच्या कोपऱ्यात सहन झुरळं आढळतात. हीच झुरळे तुमच्या आरोग्यासाठीही धोकादायक ठरू शकतात. या झुरळामुळे अन्न दूषित होऊन पोटाचे आजारही होऊ शकतात. त्यामुळे घरातील झुरळांचा नायनाट करण्यासाठी उपाय करणे गरजेचे आहे.

बाजारात झुरळांचा नायनाट करणारी अनेक नाशक उत्पादने उपलब्ध आहेत. या नाशक उत्पादनातील रसायने आरोग्यसाठी घातक असू शकतात. त्यामुळे नैसर्गिक आणि सुरक्षित उपाय शोधणे गरजेचे ठरते. घरातून झुरळांना हाकलण्यासाठी काही घरगुती तुम्हाला उपाय मदत करतील. उपाय नैसर्गिक असल्याने आरोग्यालाही कोणता धोका नाही.

बेकिंग सोडा आणि साखर

झुरळांचा नायनाट करण्यासाठी बेकिंग सोडा आणि साखर उपयोगी ठरतील. साखरेचा वास हा झुरळांना आकर्षित करतो. त्यामुळे बेकिंग सोडा झुरळांच्या शरीरात गेल्यावर त्यांना मारण्याचं काम करतो. त्यामुळे बेकिंग सोडा आणि साखर मिसळून झुरळे असणाऱ्या ठिकाणी टाकावे. झुरळांनी हे मिश्रण खाल्ल्यानंतर त्यांच्या शरीरात वायू निर्माण होऊन ते नष्ट होतात. दररोज हा उपाय केल्यास घरातील झुरळांची संख्या कमी होईल.

लसणाचा उपाय

लसूण हा किटनाशक मानला जातो. झुरळांना लसणाचा वास सहन होत नाही. यासाठी लसूण आणि पाणी एकत्र करून एकत्र करून त्याचा रस तयार करावा. हा रस झुरळ दिसणाऱ्या जागी फवारावा. लसणाचा उपाय झुरळे त्या ठिकाणाहून दूर पळतात. तसेच किचन आणि कपाटाच्या कोपऱ्यातही लसणाऱ्या पाकळ्या ठेवल्यास झुरळांचा त्रास कमी होण्याची शक्यता मोठी असते.

व्हिनेगर

व्हिनेगरचा उपयोग फायदेशीर ठरेल. व्हिनेगर प्रत्येक कामात उपयुक्त ठरते. व्हिनेगरने घर निर्जंतुक होऊ शकते. यासाठी आठवड्यातून तीन वेळा जेवण ठेवण्याच्या जागेवर व्हिनेगरचा स्प्रे करा.