मुंबई : एमपीएससीच्या परीक्षार्थींसाठी महत्वाची बातमी समोर आली आहे. एमपीएसची पूर्व परीक्षा ६ जुलै रोजी होणारी परीक्षा आता २१ जुलै रोजी होणार आहे.
मिळालेल्या माहितीनुसार, एमपीएससी परीक्षेबाबत मोठी अपडेट समोर आली आहे. एमपीएससीने पूर्व परीक्षेची नवीन तारीख जाहीर केली आहे. एमपीएससीकडून ६ जुलै रोजी पूर्व परीक्षा जाहीर करण्यात आली होती. त्यानंतर या तारखेत बदल करण्यात आला आहे. त्यामुळे ही परीक्षा आता २१ जुलै रोजी होणार आहे.
आर्थिक मागासवर्गीयांना ओबीसी वर्गातून अर्ज भरण्यासाठी मुदतवाढ देण्यात आल्याचं सांगण्यात येत आहे. ईडब्लूएस विद्यार्थ्यांना ओबीसी वर्गातून अर्ज करण्यासाठी मुदतवाढीसाठी मिळावी, अशी विनंती करण्यात आली होती.
एमपीएसीने ही विनंती मान्य केली. त्यानंतर ही पूर्व परीक्षेची तारीख पुढे ढकलण्यात आली आहे. याबाबतची माहिती महाराष्ट्र लोकसेवा आयोगाच्या वेबसाईटवरही प्रसिद्ध करण्यात आली आहे.
एमपीएससीची परीक्षा वर्णनात्मक स्वरुपात होण्याविषयी शिक्कामोर्तब झालं आहे. गेल्या अनेक वर्षांपासून ही मागणी करण्यात येत होती. त्यानंतर याबाबत आयोगाने निर्णय घेतला आहे. त्यामुळे आता २०२५ पासून ही एमपीएससीची परीक्षा वर्णनात्मक स्वरुपात होईल, असं स्पष्ट करण्यात आलं आहे.
या परीक्षेसाठी नवा अभ्यासक्रम २०२३ पासून लागू होणार होता. मात्र, विद्यार्थ्यांनी विरोध केला. विद्यार्थ्यांनी पत्र लिहून निर्णय बदलण्याची मागणी केली होती. त्यानंतर त्यांची मागणी मान्य केली. त्यानंतर आता वर्णनात्मक परीक्षा २०२५ पासून सुरु होणार आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.