लिव्हरची लक्षणे

अयोग्य आहार, तळलेले आणि जंक फूड, जास्त मद्यपान, अपुरी झोप आणि ताण या कारणांमुळे लिव्हरचे कार्य बिघडते. यामुळे फॅटी लिव्हर, हिपॅटायटीस किंवा लिव्हरमधील उष्णता वाढण्याच्या समस्या उद्भवतात. या वाढलेल्या उष्णतेमुळे तोंडात वारंवार व्रण येतात, जीभ जळजळणे, तोंड कोरडं होतं, चवीमध्ये बदल होतात, त्वचेवर पुरळ किंवा खाज सुटणे अशी लक्षणे दिसतात.

नॅशनल लायब्ररी ऑफ मेडिसिनच्या संशोधनानुसार, दीर्घकाळ लिव्हरच्या समस्या असलेल्या व्यक्तींमध्ये तोंडातील आरोग्यावर त्याचे परिणाम दिसतात. लिव्हरमधील उष्णतेमुळे तोंडातील अल्सर, जिभेवर लाल किंवा पांढरे डाग, दात खराब होणे आणि पेरिओडोंटायटीससारख्या समस्या निर्माण होतात. तोंड, आतडे आणि लिव्हर हे एकमेकांशी संबंधित प्रणालीने जोडलेले आहेत. त्यामुळे तोंडाची स्वच्छता राखल्यास लिव्हरचे आरोग्यही सुधारते.

जर तुमचे लिव्हर फॅटी असेल तर त्याचा थेट परिणाम तोंडाच्या आणि दातांच्या आरोग्यावर होतो. त्यामुळे दिवसातून दोन वेळा ब्रश आणि फ्लॉस करून दात स्वच्छ ठेवा. तसेच, वेळोवेळी डेंटीस्टचा सल्ला घ्या, जेणेकरून कोणत्याही समस्या वेळेवर ओळखता येतील.

लिव्हर निरोगी ठेवण्यासाठी आणि तोंडातील अल्सरपासून बचाव करण्यासाठी आहारात ताज्या फळांचा, हिरव्या भाज्यांचा आणि प्रथिनेयुक्त पदार्थांचा समावेश करा. तळलेले, मसालेदार आणि जंक फूड टाळा. दिवसातून पुरेसे पाणी पिणे देखील महत्त्वाचे आहे. कारण त्यामुळे तोंडातील कोरडेपणा आणि बॅक्टेरियांची वाढ रोखली जाते.