सुंदर दिसण्यासाठी अनेक तरुणी चेहऱ्यावर विविध प्रकारचे मेकअप करतात. चित्रपटांत दिसणाऱ्या अभिनेत्रींसारखं आपण अतिशय सुंदर दिसावं असं अनेक मुलींना वाटतं. बॉलिवूडचं 'फूलों सा चेहरे तेरा, कलियों सी मुस्कान है' हे गाणं तुम्ही नक्कीच ऐकलं असेल. असं गाणं आपल्यासाठी देखील कुणी गायला हवं असंही तुम्हाला कधी ना कधी वाटलंच असेल. पण माझा चेहरा फार निस्तेज आहे आणि फुलांसारखा माझा चेहरा असल्याचं कोण म्हणणार नाही असा विचार तुम्ही करत असाल तर जरा थांबा. कारण आम्ही तुमच्यासाठी एक रामबाण उपाय शोधला आहे.

फुलांसारखं सुंदर आणि तेजस्वी दिसण्यासाठी तुम्हाला चेहऱ्यावर फुलांचा वापर करावा लागेल. आजवर तुम्ही गुलाबजल नक्कीच वापरलं असेल. मात्र त्याहून असरदार असं आणखी एक वेगळं फुलं आहे. हे फुल तुमच्या चेहऱ्यावरील डेड स्किन बाजूला करते आणि स्किन ग्लो करण्यास मदत करते.

चेहऱ्यावर अप्लाय करा मोगऱ्याचं फुल

मोगरा या फुलांचा गजरा तुम्ही केसांत माळला असेल. आता हाच मोगरा तुमच्या चेहऱ्याचं सुद्धा सौंदर्य फुलवू शकतो. मोगऱ्याच्या फुलांमध्ये कोलेजन, एँटीऑक्सीडंट आणि एँटी एजिंग असे गुण आहेत. यामुळे चेहऱ्यावरील इलास्टिसिटी, रक्त प्रवाह व्यवस्तित राहते. तसेच चेहऱ्यावरील सुरकूत्या कमी होतात.

'नेशनल लाइब्रेरी ऑफ मेडिसिन' च्या अभ्यासानुसार, मोगरा या फुलात अनेक औषधी गुण आहेत. एँटीऑक्सीडंट, एँटी एजिंग आणि त्वचा गोरी करणारे अनेक गुण यात आहेत. सुंदर दिसण्यासाठी तुम्ही विविध पद्धतीने हे फुल चेहऱ्यावर अप्लाय करू शकता.

मोगरा फेस पॅक बनवण्यासाठी साहित्य

बीट

मोगरा

बदाम तेल

तुळशीची पाने

कृती

सर्वात आधी बीट छान उकडवून घ्या. त्यानंतर बीट स्मॅश करून त्यातील रस काढून घ्या. यामध्ये मोगऱ्याची फुलं, बदाम तेल आणि तुळशीची पाने अॅड करून मिक्सरला बारीक करून घ्या. ही पेस्ट आठवड्यातून ४ वेळा चेहऱ्यावर अप्लाय करा. त्याने चेहरा फार छान उजळून निघतो.

टीप : वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.