पावसाळा सुरू झाला की, सर्वत्र नुसता ओलावा आणि गारवा पसरतो. पावसाळ्यात धुतलेले ओले कपडे देखील लवकर सुकत नाहीत. ऊन नसल्यामुळे कपडे छान वाळत नाहीत. त्यामुळे कपड्यांचा वास येतो. या सर्व समस्या सोडवण्यासाठी आम्ही आज पावसाळ्यात कपडे सुकवण्याच्या काही ट्रिक्स तुमच्यासाठी शोधल्या आहेत.

कपड्यांचे ऑप्शन जास्त ठेवा

पावसाळ्यात ओल्या कपड्यांची समस्या असल्याने तुम्ही आधीच जास्तीचे कपडे घेऊन ठेवू शकता. अनेक ठिकाणी घरातील सर्व मंडळी कामाला जातात त्यामुळे कपडे नीट वळवण्यासाठी देखील वेळ नसतो. अशात तुम्ही आठवडाभराचे वेगळे कपडे आणून ठेवा. त्यामुळे धुतलेले कपडे सर्व नीट सुकेपर्यंत तुमच्याकडे दुसऱ्या कपड्यांचा ऑप्शन असेल.

कपड्यातील पाणी पिळून घ्या

घरात कपडे धुतल्यावर त्यामध्ये पाणी राहते. हे पाणी जाण्यासाठी प्रत्येक कापड हाताने छान पिळून घ्या. त्यातील जास्तीचे पाणी पूर्णतः काढून टाका. त्यानंतर कपडे सुकण्यासाठी ठेवा.

फॅन फास्ट ठेवा

बाहेर पाऊस पडत असल्याने जास्त हवा आणि उन घरात येत नाही. अशावेळी घरातील फॅन फास्ट ठेवा. जेणेकरून फॅनच्या हावेखली सर्व कपडे छान सुकून निघतील.

एसी लावू नका

काही व्यक्तींना पावसातही एसी हवा असतो. मात्र त्याऐवजी तुम्ही फॅनचा वापर करावा. कारण एसीच्या गारव्याने कपडे सुकत नाहीत आणखी जास्त ओले राहतात.

इस्त्री करा

जर तुम्हाला अर्जंट कुठे जायचे असेल आणि तुमचे कपडे थोडेफार ओले असतील तर त्यावर इस्त्री फिरवा. इस्त्री गरम असते. त्यामुळे कपडे सुकण्याठी मदत होते.