मुंबई : अंड्याचे सेवन केल्यास आपल्या शरीरासाठी त्याचा लाभ होतो. जीवनसत्त्वे अ, ब, ब-१२ आणि जीवनसत्त्वे ड, ई ही जीवनसत्त्वे (Vitamins) अंड्यामध्ये आहेत. यामुळे आपली हाडे मजबूत होण्यास मदत होते.

हे देखील पहा -

अंडी हे पौष्टिक अन्नांपैकी एक आहे. ज्याच्या आहारात निश्चितपणे समावेश होतो. अंडी खाल्ल्याने दूरदृष्टी सुधारते तसेच, अनेक आजारांवर मात करता येते. आपल्या पैकी अनेकांना अंड्यातील पिवळा भाग खायला अजिबात आवडत नाहीत. अंड्यातील पिवळ्या भागात जास्त फॅट असल्यामुळे आणि पिवळा भाग जास्त खाल्ल्याने वजन वाढते. त्यामुळे एकापेक्षा जास्त अंडी खाणारे बहुतेक लोक अंड्याचा पांढरा भाग खाण्यास प्राधान्य देतात. त्यामुळे अंड्यातील पिवळा भाग एकतर तसाच राहातो किंवा आपण फेकून देतो. परंतु अंड्यातील पिवळा भाग फेकून न देता आपण त्यापासून स्वादिष्ट अशी पाककृती बनवू शकतो ते जाणून घेऊया. (Leftover Egg Yolk Recipes)

अंड्याच्या पिवळ्या भागाचे मेयोनीज

साहित्य-

अंड्यातील पिवळे भाग - ३ कप

मीठ - १ छोटा चमचा

ऑलिव्ह ऑईल (Oil) - १ कप

चिमूटभर मिरची

लिंबाचा रस - १ मोठा चमचा

चिली सॉस - १ १/२ मोठा चमचा

काळीमिरी पावडर आणि कोंथिबीर आवश्यकतेनुसार

कृती -

अंड्यातील पिवळ्या भागात मीठ, लिंबाचा रस घेऊन चांगले फेटून घ्या. त्यानंतर त्यात तेल टाकून पुन्हा फेटून घ्या. मिश्रण घट्ट किंवा मलाईदार झाल्यानंतर त्यात आता त्यात चिली सॉस आणि लिंबाचा रस घाला. वरुन काळीमिरी पावडर आणि कोंथिबीर घालून सर्व्ह करा.

हे मेयोनीज आपण ब्रेडला लावून किंवा इतर पदार्थांमधे (Food) त्याचा वापर आपण करु शकतो.

डिस्क्लेमर: सदर रेसिपी फक्त सामान्य माहितीसाठी आहे. आहारात समावेश करताना आपल्या डॉक्टरांशी संपर्क साधावा.

Edited By - Komal Damudre