जेवल्यानंतर ही कामे लगेच करु नका

मुंबई : आपल्या शरीरासाठी पुरेपुर आहार घेणे गरजेचे आहे. आरोग्य सुधारण्यासाठी आपण आपल्या आहारात पौष्टिक पदार्थांचा समावेश करतो. अनेकवेळा सकस आहाराचा अवलंब करूनही आपण अनेक आजारांना बळी पडतो. (Health Care Tips in Marathi)

हे देखील पहा -

चांगल्या जीवनशैलीसाठी आपण आपल्या आहारात सतत बदल करत असतो. शरीर सुदृढ व निरोगी राहण्यासाठी आपण बरेच प्रयत्न करत असतो. अनेक प्रयत्न करुनही आपल्याला आरोग्याशी संबंधित आव्हानांना सामोरे जावे लागते. जेवण्यापूर्वी किंवा नंतर चुकीच्या काही सवयींमुळे आपण आजारी पडतो. अशावेळी आपण कोणत्या चुका टाळायला हव्या हे पाहूया.

१. पाणी प्याल्याने शरीराला अनेक फायदे होतात. शरीराला हायड्रेट ठेवण्यासाठी पाणी अंत्यत उपयुक्त ठरते परंतु, चुकीच्या वेळी किंवा चुकीच्या पद्धतीने पाणी (Water) प्यायल्याने आरोग्याला हानी पोहोचू शकते. जेवताना किंवा जेवल्यानंतर लगेच जास्त पाणी प्यायल्यास अपचन किंवा अँसिडिटीचा त्रास होऊ शकतो.

२. अनेकदा आपण जेवताना पॅन्टची पट्टा सैल करतो. हे अगदी सामान्य असले तरी यामुळे आपली समस्या वाढू शकते. पट्टा सैल केल्यामुळे, पोटाभोवती निर्माण होणाऱ्या दबावापासून आपल्याला आराम मिळतो व अशावेळी आपण अधिक जेवतो. वजन वाढण्यासोबतच यामुळे अपचनाचा त्रासही होऊ शकतो.

३. तंबाखूचे सेवन करणे अत्यंत धोकादायक आहे. काही लोक जेवल्यानंतर किंवा जेवताना तंबाखूचे सेवन करतात. असे केल्याने पोटाशी संबंधित आजारांचा धोका वाढतो.

४. आपल्या व्यस्त जीवनशैलीमुळे आपण इतके थकतो की, जेवल्यानंतर आपल्याला झोप येऊ लागते. आपल्याला रात्रीच्या जेवणानंतर लगेच झोपण्याची किंवा पडून राहण्याची सवय असेल, तर ती टाळणे अत्यंत आवश्यक आहे. असे केल्याने पोटाचे आजार आणि लठ्ठपणाच्या तक्रारी सुरू होतात.

५. फळांचे (fruit) सेवन करणे आरोग्यासाठी चांगले असले तरी दुपारचे किंवा रात्रीचे (Night) जेवण केल्यानंतर फळे खाणे टाळावे. जेवल्यानंतर लगेच फळे खाल्ल्यास त्यातील पोषक तत्वे शरीराला मिळत नाही.

Edited By - Komal Damudre