हाय कोलेस्टेरॉलमुळे हार्ट अटॅकचा धोका वाढतो. पण काही घरगुती उपाय नियमित पद्धतीने वापरल्यास या त्रासाचे प्रमाण नैसर्गिकरीत्या कमी करता येते. योग्य आहार, नियमित व्यायाम आणि फायबरयुक्त पेय हे त्रिकूट तुमच्या हार्ट हेल्थसाठी खूप फायदेशीर ठरू शकते. जाणून घ्या अशी ५ घरगुती ड्रिंक्स जी कोलेस्टेरॉल नियंत्रणात ठेवण्यास मदत करतात.

1 ओट्स-ॲपल स्मूदी

ओट्समध्ये असलेले बेटा-ग्लुकान फायबर शरीरातील वाईट कोलेस्टेरॉल (LDL) कमी करण्यास मदत करते. त्यासाठी २–३ टेबलस्पून भिजवलेले ओट्स, १ लहान सफरचंद, २०० मि.ली. दूध किंवा दही, थोडी दालचिनी एकत्र ब्लेंड करा. साखर टाकू नका. दररोज सकाळी नाश्त्यात याचे सेवन करा.

२ टोमॅटो छास (बटरमिल्क)

टोमॅटोतील लायकोपीन हे घटक हृदयासाठी फायदेशीर असते. छास प्रोटीन देते आणि सॅच्युरेटेड फॅट कमी ठेवते. त्यासाठी अर्धा कप दही, १ कप पाणी फेटून त्यात अर्धा ब्लेंड केलेला टोमॅटो, भाजलेले जिरे, कोथिंबीर आणि मिरी टाका. दुपारच्या जेवणात ५ ते ६ दिवस सलग हे पेय घ्यावे.

३ हिबिस्कस टी

हिबिस्कस म्हणजे जास्वंद. यामध्ये ॲंथोसायनिन्स आणि पॉलिफेनॉल्स असतात जे रक्तदाब आणि कोलेस्टेरॉल कमी करण्यास मदत करतात. त्यासाठी १–२ टीस्पून सुके हिबिस्कस फूल उकळत्या पाण्यात ५–७ मिनिटे ठेवा. गाळून त्यात थोडं आलं किंवा दालचिनी टाका. दुपारी किंवा संध्याकाळी, आठवड्यातून ५ दिवस नियमित हे पेय पित राहा.

४. मेथीचं पाणी

मेथीत असलेले सोल्युबल फायबर आणि सॅपोनिन्स हे कोलेस्टेरॉल कमी करण्यास मदत करतात. त्यासाठी १ टीस्पून मेथी दाणे थोडेसे ठेचून रात्री २०० मि.ली. पाण्यात भिजवा. सकाळी गाळून प्या. सुरुवातीला आठवड्यात ४–५ दिवस घ्या, नंतर हळूहळू वाढवा.

५. फ्लॅक्ससीड-जिरे ड्रिंक

अळशी (Flaxseed) मध्ये ओमेगा-३ फॅटी ॲसिड आणि फायबर असतात जे कोलेस्टेरॉल आणि ट्रायग्लिसराइड कमी करतात. त्यासाठी १–२ टीस्पून अळशी भाजून बारीक करून ती २०० मि.ली. पातळ छासात किंवा पाण्यात जिरे टाकून मिसळा. लगेच प्या. जेवणासोबत दररोज एकदा हे पेय घ्या.