सध्याच्या धावपळीच्या जगात सगळ्यांच्या खाण्यापिण्याच्या सवयी जास्त प्रमाणात बदलतात. अनेकांना वेळेवर जेवण घेणेही कठीण होऊन जाते. त्यात बाहेरच्या खाण्याचा जास्त समावेश होतो. याने थेट तुमच्या लिव्हरवर परिणाम होऊ शकतो आणि तो निकामीही होऊ शकतो. हा त्रास वाढू नये म्हणून तसेच वाढलेला त्रास कमी व्हावा म्हणून तुम्ही पुढील पेयांचे सेवन करू शकता.

तुम्ही पुढील पेयाचे सेवन रोजच्या जीवनात केल्याने लिव्हरमध्ये सुधार, फॅट कमी होणे, पचन सुधारणे यासाठी उपयोगी ठरतो. डॉ. सेठी यांनी हे सल्ले त्यांच्या इन्स्टाग्रामवरील व्हिडिओमध्ये दिले आहे. त्यामध्ये ते म्हणाले, मी फॅटी लिव्हर असलेल्या माझ्या रुग्णांना नेहमी तीन पेयं रोज १ ग्लास प्यायला सांगतो. मी लिव्हर तज्ज्ञ आहे त्यांनी सांगितलेल्या पेयांमध्ये ग्रीन टी, कॉफी आणि बीटरूट ज्यूस यांचा समावेश आहे.

१. ग्रीन टी (Green Tea)

डॉ. सेठी यांच्या मते, ग्रीन टीमध्ये कॅटेचिन्स आणि विशेषतः Epigallocatechin-3-gallate हे अँटिऑक्सिडंट्स मुबलक प्रमाणात असतात. हे घटक लिव्हरचे एन्झाइम सुधारतात आणि लिव्हरमध्ये साचलेलं फॅटचे प्रमाण कमी करतात. तसेच ग्रीन टीमधील अँटिऑक्सिडंट्स कमी करतात आणि लिव्हर पेशींचं रक्षण करतात.

२. कॉफी (Coffee)

कॉफीही फॅटी लिव्हर असलेल्या लोकांसाठी फायदेशीर ठरते. नियमित कॉफीचे सेवन लिव्हरवरील चरबी आणि फायब्रोसिसचा धोका कमी करतं. मात्र, त्यांनी सल्ला दिला की ऑर्गॅनिक कॉफी निवडा आणि साखर टाळा. आवश्यक असल्यास थोडं मध, स्टेव्हिया किंवा मंक फ्रूट स्वीटनर वापरू शकता.

३. बीटरूट ज्यूस (Beetroot Juice)

बीटरूट ज्यूसमध्ये बेटालाईन्स नावाचे अँटिऑक्सिडंट्स असतात, जे लिव्हर पेशींचं संरक्षण करतात आणि चरबी साचणं कमी करतात. मात्र या रसामध्ये नैसर्गिक साखरेचं प्रमाण जास्त असल्याने डॉक्टरांनी मर्यादित प्रमाणात सेवन करण्याचा सल्ला दिला आहे.

टीप: औषधोपचारांइतकाच आहार आणि जीवनशैलीतला बदल सुद्धा या आजारावर मात करण्यासाठी तितकाच महत्त्वाचा आहे.