आजकाल धावपळीच्या जगात सकाळी जेवण करायला महिलांना वेळ मिळत नाही. त्यामुळे बऱ्याच महिला रात्री पीठ मळून कणीक सकाळसाठी फ्रिजमध्ये भरून ठेवतात. यामुळे पिठातील पोषक घटक कमी होतात आणि आरोग्याला धोका निमार्ण होता. चपात्यांमधील पोषक तत्वांचा आरोग्याला फायदा मिळवण्यासाठी जेव्हाच्या तेव्हा चपात्यांचे पीठ मळावे आणि त्वरित चपात्या कराव्या. यामुळे फ्रेश आणि ताज्या चपात्यांचा आस्वाद घेता येतो.

फ्रिजमध्ये ठेवलेली कणीक आरोग्यास घातक, दृष्परिणाम जाणून घ्या

• सकाळच्या चपात्यांसाठी रात्री पीठ मळून तयार झालेली कणीक सकाळपर्यंत फ्रिजमध्ये ठेवत असाल तर आरोग्याला हानिकारक आहे.

• फ्रिजमधील कणकेच्या सकाळी चपात्या बनवल्यास गॅस, ॲसिडीटीची समस्या उद्भवते. तसेच पचनसंस्थेवर वाईट परिणाम होतात. वारंवार पोटदुखीचा सामना करावा लागतो. बद्धकोष्ठतेचा त्रास वाढतो.

• रात्री फ्रिजमध्ये ठेवलेल्या चपातीच्या पिठाला बुरशी लागण्याचा धोका असतो. असे बुरशी लागलेले खाल्ल्याने तब्येत खराब होण्याचा धोका असतो.

• रात्री कणीक मळून फ्रिजमध्ये ठेवल्यास सकाळी पिठातील सर्व पोषक घटक निघून जातात. तसेच पिठावर बॅक्टेरिया निमार्ण होतात.

• फ्रिजमधील पीठ फ्रेश नसते. तसेच या पीठाच्या रंग आणि चवीमध्ये फरक पडतो.

• फ्रिजमधील पिठाच्या चपात्या बनवल्यास पोळी मऊ आणि लुसलुशीत होत नाही. सकाळी बनवलेल्या चपाती दुपारी कडक होतात.

• फ्रिजमधील ओलाव्यामुळे कणीक लवकर खराब होते आणि संसर्गाचा धोका वाढतो.

गरज भासल्यास फ्रिजमध्ये कणीक ठेवताना 'हा' उपाय करा

• चपातीचे पीठ फ्रिजमध्ये ठेवल्यास ते काळे पडण्याचा धोका असतो. यामुळे जर कधी गरज भासल्यास पिठाला तेल लावून कणीक फ्रिजमध्ये ठेवावी.

• तसेच हवा बंद डब्यामध्ये कणीक भरून ठेवा.

डिस्क्लेमर : ही फक्त सामान्य माहिती आहे. अधिक तपशीलांसाठी डॉक्टरांशी संपर्क साधा.