काही दिवसांपासून समोसा आणि जिलेबी यांच्या कॅलरीजची माहिती देणारं लेबल लावलं जाणार असल्याची चर्चा रंगली होती. मात्र प्रेस इन्फॉर्मेशन ब्युरोने अशा बातम्यांचं खंडन केलं. PIB ने स्पष्ट केलं की अशा बातम्या चुकीच्या, दिशाभूल करणाऱ्या आणि निराधार आहेत. मंत्रालयाने दिलेले सल्ला हे कुठल्याही विशिष्ट पदार्थावर बंदी घालण्यासाठी नव्हते, तर आरोग्यदायी सवयींकडे लोकांचे लक्ष वेधण्यासाठी होते.

कार्यालयांमध्ये आरोग्य जनजागृतीसाठी सल्ला

PIB च्या अधिकृत स्पष्टीकरणात नमूद करण्यात आलं आहे की, आरोग्य मंत्रालयाने अलीकडेच एक सल्ला जारी केलीये. या सल्ल्यानुसार, कॅफेटेरिया, कँटीन, मीटिंग रूम्स यांसारख्या सार्वजनिक आणि कार्यालयीन जागांमध्ये काही बोर्ड लावण्याची सूचना करण्यात आली आहे. या फलकांमध्ये असं सांगायचंय की, काही पदार्थांमध्ये hidden fats आणि अतिसाखर असते, जी आपल्या आरोग्यासाठी हानीकारक ठरू शकते.

सल्ल्याचा उद्देश काय आहे?

हे फक्त एक जागरूकतेसाठी प्रोत्साहन देणारा सल्ला आहे. म्हणजेच लोकांनी काय खावं, किती खावं याबाबत विचारपूर्वक निर्णय घ्यावा एवढाच हेतू आहे. सरकारच्या या सल्ल्यामध्ये कुठेही असं म्हटलं नाही की, स्ट्रीट फूड बंद करावं किंवा त्यावर वॉर्निंग लावा. तसंच भारतीय खाद्यसंस्कृतीला लक्ष्य करण्यात आलं आहे, असा दावा चुकीचा आहे.

सल्ल्यामध्ये काय काय सूचनांवर भर आहे?

• फळं, भाज्या, लो-फॅट पदार्थ खाण्यावर भर द्यावा

• पायऱ्यांचा वापर करणं, चालणं यासारखी शारीरिक हालचाल वाढवावी

• ऑफिसमध्ये थोडा वेळ काढून छोटे व्यायामाचे ब्रेक घ्यावेत

• फळं आणि पौष्टिक पर्याय उपलब्ध असावेत

ही योजना कोणत्या उपक्रमाचा भाग आहे?

ही संपूर्ण सूचना National Programme for Prevention and Control of Non-Communicable Diseases (NP-NCD) या राष्ट्रीय उपक्रमाचा भाग आहे. या मोहिमेचा उद्देश आहे मधुमेह, लठ्ठपणा, उच्च रक्तदाब यांसारखे वाढत चाललेले आजार टाळण्यासाठी लोकांना योग्य सवयी स्वतःला लावल्या आहेत.

लठ्ठपणाच्या वाढत्या समस्या

• २०५० पर्यंत सुमारे ४४.९ कोटी भारतीय लठ्ठ किंवा ओव्हरवेट असतील, असा अंदाज आहे

• हे प्रमाण पाहता, भारत अमेरिकेनंतर लठ्ठपणामुळे सर्वाधिक प्रभावित देश ठरेल

• आत्ताच, शहरी भागातील प्रत्येक ५ पैकी १ प्रौढ जास्त वजनाचा आहे

• लहान मुलांमध्येही लठ्ठपणा झपाट्याने वाढतोय. यामागचं कारण आहे ते म्हणजे चुकीचा आहार आणि कमी शारीरिक हालचाल

डॉक्टर्स काय म्हणतात?

प्रसिद्ध मधुमेह तज्ज्ञ डॉ. सुनील गुप्ता म्हणतात, “जर एखाद्या व्यक्तीला हे माहित असेल की एका गुलाबजामुनमध्ये जवळपास ५ चमचे साखर असते तर तो कदाचित दुसरा खाण्यापूर्वी थोडा विचार करेल. हे अन्नावर बंदी घालणं नाही, तर लोकांनी विचारपूर्वक खाणं निवडावं, यासाठीचा प्रयत्न आहे.