Acidity Relief Drink :

होळीच्या सणात आपण अधिक गोडाचे आणि तेलकट पदार्थ खातो. पदार्थ इतके चविष्ट असतात की, तो खाण्याचा मोह आपल्याला काही आवरता येत नाही. जास्त प्रमाणात याचे सेवन केल्याने आरोग्याला नुकसान होते.

गोडाचे आणि तेलकट पदार्थ खाल्ल्याने पचनक्रिया बिघडते, पोट (Stomach) भरलेले राहते आणि सतत मळमळ वाटते. यामुळे आपल्याला अस्वस्थ वाटते. चक्कर किंवा घाम येतो, डिहायड्रेशनसारखे होते. जर तुम्हालाही असा त्रास होत असेल तर बॉडीला डिटॉक्स करण्यासाठी या गोष्टी लक्षात ठेवा.

1. बॉडी डिटॉक्स करण्याची पद्धत

• होळीच्या (Holi Festival) पार्टीमध्ये दारु, भांगचे सेवन केले असेल तर पुढील १५ ते २० दिवस याचे सेवन करु नका.

• शरीर डिटॉक्स करण्यासाठी भरपूर पाणी (Water) प्या, लघवीवाटे विषारी पदार्थ बाहेर पडण्यास मदत होईल.

• शरीर डिटॉक्स करण्यासाठी ७ ते ८ तासांची पुरेशी झोप घ्या.

• आपल्या आहारात जंक आणि प्रक्रिया केलेले पदार्थ खाणे टाळा. तसेच काही दिवस तळलेले आणि गोडाचे पदार्थ खाऊ नका.

• आहारात फायबर आणि अँटिऑक्सिडंटयुक्त पदार्थांचे प्रमाण वाढवा.

• जेवणात हिरव्या भाज्या आणि फळे यांचा समावेश करा. तसेच सूप किंवा रस पिऊ शकता.

• पचनक्रिया सुरळीत ठेवण्यासाठी प्रोबायोटिक्सचे प्रमाण वाढवा. यामध्ये दही, टोमॅटो, केळी , कांदा आणि लसणाचा समावेश करा

• आहारात मीठाचे प्रमाण कमी करा. योग किंवा व्यायाम करा. यामुळे शरीर डिटॉक्सिफाय होण्यास मदत होते.

• सकाळी रिकाम्या पोटी लिंबू-मधाचे पाणी प्या. ज्यामुळे शरीरातील टाकाऊ पदार्थ बाहेर पडण्यास मदत होईल.

डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा.