आपण चेहऱ्याने कितीही सुंदर दिसत असलो तरी बोलताना किंवा हसताना आकर्षक ठरतात ते आपले दात (Teeth). दात हे पिवळे दिसू लागले तर आपल्याला एखाद्याशी बोलायला आणि हसायला लाज वाटते. यामुळे दातांची स्वच्छता राखणे हे महत्वाचे आहे.
चेहरा कितीही उजळ असला तरी चेहऱ्याच्या सौंदर्यात भर घालणारे रेखीव डोळे, टोकदार नाक आणि पांढरेशुभ्र दात याकडे जास्त लक्ष दिले पाहिजे.
स्वच्छ दात हे निरोगी आरोग्याचे (Health) लक्षण आहे. आपण जे काही खातो ते तोंडावाटे पोटात जाते यामुळे दातांची काळजी घेणे तितकेच महत्वाचे आहे. दात पिवळे असतील तर दातांमधून दुर्गंधी येणे ही समस्या निर्माण होते अशावेळेस दातांची योग्य काळजी घेणे महत्वाचे आहे. जर तुमचे दात पिवळे असतील तर काही घरगुती उपायांनी दात मोत्यासारखे चमकवा.
चमकदार दात हे सर्वांनाच आवडतात. मात्र कालांतराने दात हे पिवळे होतातच. नियमितपणे दात घासूनही दातावरचा पिवळेपणा कमी होत नाही. यासाठी काही घरगुती उपाय सांगत आहोत ते करून पाहा.
हळद आरोग्यासाठी अत्यंत फायदेशीर आहे. हळदीमध्ये असणारे आयुर्वेदीक गुणधर्म दातांच्या समस्या दूर करतात. हळदीमध्ये दात नैसर्गिकरित्या पांढरे करण्याचे गुणधर्म आहेत.
केळीची साल दातांवर घासल्याने दातांवरील पिवळेपणा दूर होतो. केळीच्या सालीमध्ये लिमोनीन आणि सायट्रिक एॅसिड असते ज्यामुळे दात चमकू लागतात.
फार पूर्वी लोक मिठाने दात घासायचे. मीठाने दात घासल्याने दातांतील जंतू तसेच दातातील पिवळेपणा कमी होतो.अर्धा चमचा मीठामध्ये मोहरी तेलाचे थेंब मिसळून दात स्वच्छ केल्याने दात चमकतील.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.