मंगळवार हा दिवस हनुमानजींना समर्पित मानला जातो. या दिवशी भक्त श्रद्धेने बजरंगबली यांची पूजा केली जाते. धार्मिक ग्रंथांमध्ये हनुमानजी हे शक्ती, शांती, बुद्धी आणि भक्तीचे प्रतीक मानलं गेलंय. असं मानलं जातं की, जो व्यक्ती मंगळवारी मनापासून प्रभु हनुमानांची उपासना करतो, त्याची सगळी दुःख, अडचणी, करिअरमधील अडथळे दूर होतात आणि जीवनात यश, समाधान आणि इच्छित फळ मिळतं.

तुमच्याही जीवनात जर नोकरी, व्यवसाय, आर्थिक गुंतवणूक किंवा इतर कोणतीही समस्या असतील तर मंगळवारी हे उपाय केल्यास त्या त्रासांपासून मुक्ती मिळू शकणार आहे. हे उपाय कोणते आहेत ते जाणून घेऊया.

राम रक्षा स्तोत्राचा पाठ करा

मंगळवारी हनुमानजींसोबत रामपरिवाराची देखील पूजा केल्यास विशेष फळ प्राप्त होतं. विशेषतः राम रक्षा स्तोत्राचा पाठ केल्यास प्रभु राम आणि हनुमानजींच्या कृपेने अडलेली कामं मार्गी लागतात. राम रक्षा स्तोत्रामुळे तुमचं संरक्षण होतं.

बुंदीचा नैवेद्य अर्पण करा

बुंदी हे हनुमानजींचा आवडतं प्रसाद मानलं जातं. मंगळवारी बुंदीचा नैवेद्य अर्पण केल्यास त्यांची विशेष कृपा होते. जर हा उपाय सलग ५ ते ६ मंगळवार नियमित केला तर धनलाभाचे योग तयार होतात. कामात येणाऱ्या अडचणी दूर होण्यास मदत होते.

या मंत्राचा जप करा

"ॐ क्रां क्रीं क्रौं सः भौमाय नमः" हा मंत्र मंगळ ग्रहाशी संबंधित आहे. मंगळवारी या मंत्राचा १०८ वेळा जप केल्यास मनातील भीती दूर होते. यामुळे कामामध्ये एकाग्रता आणि आत्मविश्वास वाढतो. विशेषतः करिअर किंवा व्यवसायात निर्णयक्षमता वाढवण्यास हा उपाय मदत करतो.

हनुमान चालीसा वाचा

जर तुम्हाला नोकरी, व्यवसाय किंवा पैशाच्या अडचणी असतील तर मंगळवारी पूजा करताना हनुमानजींच्या समोर तुपाचा दिवा लावून 'हनुमान चालीसा' वाचावी. हनुमान चालीसेचा नियमित पाठ केल्यास मनोबल वाढतं त्याचप्रमाणे संकटंही दूर होतात. हा एक अत्यंत सोपा पण प्रभावी उपाय आहे.

लाल रंगाचे फल आणि फुलं अर्पण करा

मंगळवार हा लाल रंगाशी संबंधित आहे. तर लाल रंग हा उर्जेचं आणि शक्तीचं प्रतीक आहे. या दिवशी लाल कपडे परिधान करा आणि हनुमानजींच्या पूजेत लाल रंगाची फुलं आणि फळं अर्पण करा. यामुळे हनुमानजी प्रसन्न होतात.

(Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. आम्ही या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)