भारतात मायग्रेनचे प्रमाण झपाट्याने वाढत आहे. त्यामुळे रुग्णांना लवकरात लवकर आराम मिळावा यासाठी उपचाराची मागणी तज्ज्ञांकडे करतात. अर्थात याची गरज सुद्धा वाढत चालली आहे. अशातच फायझर कंपनीने भारतात मायग्रेनसाठी 'रिमेगपेंट' ही नवी ओरल डिसइंटीग्रेटिंग टॅबलेट (ओडीटी) लाँच केली आहे. विशेष म्हणजे ही गोळी तोंडात सहज विरघळते आणि पाण्याशिवायही घेता येते.

रिमेगपेंट म्हणजे काय?

रिमेगपेंट ही गोळी सीजीआरपी रिसेप्टर अॅण्टागोनिस्ट प्रकारातील औषध आहे. मायग्रेन दरम्यान होणाऱ्या वेदनांचा प्रमुख कारणीभूत घटक असलेल्या सीजीआरपी प्रोटीनवर ही गोळी काम करते. सध्या याचे ७५ मिलीग्रॅम डोस उपलब्ध असून जेवणाआधी किंवा नंतर केव्हाही गोळी घेता येते.

डीसीजीआयची मान्यता

भारतातील औषध नियंत्रक प्राधिकरणाने (DCGI) ट्रिप्टन औषधांना कमी प्रतिसाद देणाऱ्या प्रौढांमध्ये ऑरासह किंवा ऑराशिवाय होणाऱ्या मायग्रेनच्या उपचारासाठी या गोळीला मान्यता दिली आहे.

रिमेगपेंट घेतल्यानंतर जवळपास ४८ तासांपर्यंत आराम मिळतो. औषधाचा ओव्हरयूज हेडेक (अतिवापरामुळे होणारी डोकेदुखी) होत नाही. वेदना कमी झाल्यानंतर रुग्णाला लवकर कामावर परतण्यास मदत होते. भारतात जवळपास २१३ दशलक्ष लोकांना मायग्रेनचा त्रास आहे. मायग्रेनमुळे दरवर्षी सुमारे १७३ दिवस उत्पादनक्षमतेचे नुकसान होते. फायझरच्या मते, रिमेगपेंटसारखी औषधे मायग्रेन व्यवस्थापनात नवीन आणि प्रभावी पर्याय ठरू शकतात.

फायझरची नवीन थेरपी प्रगत उपचार पर्याय देत ही तफावत दूर करण्‍याचा प्रयत्‍न करते, तसेच मायग्रेनचे उत्तमपणे व्‍यवस्‍थापन करण्‍याकरिता नाविन्‍यपूर्ण सोल्‍यूशन्‍ससाठी दीर्घकाळापासून वैद्यकीय गरजेची पूर्तता करण्‍याचा प्रयत्‍न करते.

टीप : वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.