Hair Care Tips : हल्ली केस गळणे व पिकण्याच्या समस्येवरुन अनेकजण त्रस्त आहेत. केसांच्या वाढीसाठी व गळण्यापासून रोखण्यासाठी आपण अनेक प्रयत्न करतो. अकाली केस गळणे व केस पांढरे होणे ही आजच्या तरुणाईसाठी सगळ्यात मोठी चिंतेची बाब ठरली आहे.

खाण्यापिण्याच्या पद्धती व खराब पाण्यामुळे केस गळण्याची समस्या दिवसेंदिवस वाढत आहे. ही समस्या 30 वर्षांपेक्षा जास्त वयाच्या लोकांमध्ये दिसून येते. परंतु, ही समस्या आता लहानपणापासून मुलांमध्ये दिसून येत आहे.

आरोग्य तज्ज्ञांच्या मते, पोषक तत्वांच्या कमतरतेमुळे केस (Hair) पातळ होतात व हळूहळू गळू लागतात. तुम्ही देखील या समस्येने त्रस्त असाल तर आम्ही तुम्हाला काही घरगुती उपाय (Home remedies) सांगणार आहोत ज्यामुळे तुमचे केस काळे व घनदाट तर होतीलच पण ते, गळण्यापासून देखील रोखले जातील.

1. मेथीचे दाणे:

तज्ञांच्या मते, मेथीच्या दाण्यांचा वापर आपण आहारात करतो. मेथीचे दाणे वापरल्याने केस गळणे आणि केस पांढरे होणे टाळता येते. वापर कसा करायचा हे जाणून घेऊया

2. याप्रकारे करा वापर

मेथीचे दाणे रात्रभर पाण्यात (Water) भिजवून ठेवा आणि दुसऱ्या दिवशी गाळून पेस्ट बनवा. नंतर केसांना लावा. त्यात दही, मध, कोरफडीचे जेल मिक्स करून हवे असल्यास अंडीही घालू शकता. हे साधारण महिनाभर किंवा आठवड्यातून दोन-तीन वेळा लावल्याने तुमच्या केसांमध्ये फरक दिसेल. यामुळे तुमचे केस काळे, दाट, रेशमी होतील आणि नवीन केसही मुळापासून वाढू लागतील.

3. केसांसाठी नारळ फायदेशीर आहे?

नारळाचे तेल केसांसाठी खूप फायदेशीर मानले जाते. रोज नारळाच्या तेलाने केसांना मसाज केल्याने केस गळणे आणि पांढरे होणे टाळता येते. केसांना कोमट खोबरेल तेल लावल्याने कोणतेही दुष्परिणाम होत नाहीत.

डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा