How To Update Google Chrome : तुम्हीही गुगल क्रोम ब्राउझर वापरत असाल तर तुमच्यासाठी एक अलर्ट आहे. इंडियन कॉम्प्युटर इमर्जन्सी रिस्पॉन्स टीम (CERT-In) ने म्हटले आहे की क्रोम ब्राउझरमध्ये अनेक त्रुटी आहेत ज्या तुमच्यासाठी धोकादायक ठरू शकतात.

CERT-In या इलेक्ट्रॉनिक्स आणि माहिती तंत्रज्ञान मंत्रालयाच्या अंतर्गत काम करणाऱ्या एजन्सीने क्रोम ब्राउझरबाबत उच्च-स्तरीय चेतावणी जारी केली आहे. सरकारने म्हटले आहे की Chrome च्या विशिष्ट आवृत्तीमध्ये सुरक्षा त्रुटी आहे जी Chrome च्या Windows आणि Mac दोन्ही आवृत्तींमध्ये आहे.

CERT-In ने सांगितले आहे की क्रोममधील (Chrome) या त्रुटीचा फायदा घेऊन हॅकर्स सिस्टम हॅक करू शकतात आणि वैयक्तिक माहिती चोरू (Hack) शकतात. याशिवाय, या त्रुटीचा फायदा घेऊन, वापरकर्त्यांच्या सिस्टममध्ये मालवेअर देखील स्थापित केले जाऊ शकतात.

गुगल (google) क्रोमबाबत एजन्सीने म्हटले आहे की, यामध्ये अनेक त्रुटी आहेत ज्यामुळे तुमच्या कॉम्प्युटरचे नियंत्रण हॅकर्सच्या हाती येऊ शकते. या त्रुटींच्या मदतीने हॅकर्सना हे देखील कळू शकते की तुमच्या ब्राउझरमध्ये कोणते पेमेंट एपीई आहे. Chrome मध्ये, यात प्रॉम्प्ट्स, वेब पेमेंट API, SwiftShader, Vulkan, Video आणि WebRTC मध्ये आहेत. या त्रुटींच्या मदतीने हॅकर्सना रिअल टाइममध्येही ट्रॅक करता येऊ शकते.

1. CERT-In च्या मते, Chrome मध्ये या त्रुटी आहेत

CVE-2023-4068, CVE-2023-4069, CVE-2023-4070, CVE-2023-4071, CVE-2023-4072, CVE-2023-4073, CVE-2023-4074, CVE-2023-4075, CVE-2023-4076, CVE-2023-4077, CVE-2023-4078

CERT-In नुसार, Linux आणि Mac साठी Google Chrome च्या 115.0.5790.170 आणि पूर्वीच्या आवृत्त्यांमध्ये दोष आहे. दुसरीकडे, Windows साठी Chrome ची 115.0.5790.170/.171 आणि पूर्वीची आवृत्ती धोकादायक आहे. एजन्सीने म्हटले आहे की या त्रुटी टाळण्यासाठी, त्वरित प्रभावाने तुमचा Google Chrome ब्राउझर अपडेट करा.

2. Google Chrome कसे अपडेट कराल?

• संगणकावर किंवा लॅपटॉपवर Chrome ब्राउझर उघडा.

• आता उजव्या बाजूला दिसणार्‍या तीन बिंदूंवर क्लिक करा.

• त्यानंतर खालील हेल्प बटणावर क्लिक करा आणि नंतर Google Chrome वर जा.

• येथून तुम्ही तुमचे Chrome अपडेट करू शकता आणि त्याची नवीनतम आवृत्ती देखील जाणून घेऊ शकता.