Ganpati special train 2023 :

येवा कोंकण आपलोच आसा..., अवघ्या काही दिवसात गणपती बाप्पाचे आगमन घरोघरी होणार आहे. गणपती म्हटलं की, प्रत्येक कोंकणी माणूस गावी गेल्याशिवाय राहात नाही. गणपती येण्यापूर्वी आपण ट्रेनचे तिकीट बुक करतो.

नुकतीच कोकणात मुंबईहून जाण्यासाठी हायस्पीडमध्ये रेल्वेचा पर्याय उपलब्ध केला गेला. वंदे भारत एक्स्प्रेसमुळे गोव्यासोबतच कोकणात जाण्याचा प्रवास अधिक सुकर झाला आहे. ही ट्रेन तेजस एक्स्प्रेसच्या तुलनेत एक तासाआधी पोहोचवेल. परंतु, तुम्हालाही मुंबईहून कोकणात जायचे असेल तर वंदे भारत एक्स्प्रेसचा प्रवास सोयीस्कर ठरु शकतो. तिकीट कसे बुक कराल? तिकीट दर किती? एक्स्प्रेसचा टाइम किती जाणून घेऊया

1. वंदे भारत एक्स्प्रेसची वेळ

वंदे भारत एक्स्प्रेस मुंबईतून (Mumbai) छत्रपती शिवाजी महाराज टर्मिनसवरुन सकाळी ५.३५ मिनिटांनी सुटेल. त्यानंतर ही ट्रेन ठाण्यात (Thane) ६.०५ मिनिटांनी थांबेल, पनवेल ६.४०, खेड ८.४०, रत्नागिरी १० वाजता थांबेल. साधारणत: ८ तासात ही ट्रेन (Train) आपल्याला कोकणात पोहोचवेल.

2. वंदे भारत एक्स्प्रेसचा तिकीट दर किती?

• छत्रपती शिवाजी महाराज टर्मिनसवरुन एसी कोच-१८१५ रुपये तर इसी कोच ३३६० रुपये प्रति

• दादरवरुन एसी कोच-१८१० रुपये तर इसी कोच ३३३५ रुपये प्रति

• ठाण्यावरुन एसी कोच-१७१० रुपये तर इसी कोच ३२९० रुपये प्रति

• पनवेलवरुन एसी कोच-१७३५ रुपये तर इसी कोच ३१८५ रुपये प्रति

• खेडवरुन एसी कोच-१४०५ रुपये तर इसी कोच २५१० रुपये प्रति

• रत्नागिरीवरुन कणकवली एसी कोच-१०५५ रुपये तर इसी कोच १८८० रुपये प्रति आहे.

3. तिकीट कसे बुक कराल?

• प्रवासी बुकिंग करताना भारतीय रेल्वे स्थानके आणि काउंटरद्वारे किंवा IRCTC वेब पोर्टल आणि Rail Connect अॅपद्वारे तिकीट बुक करू शकतात.

• irctc.co.in वर IRCTC ई-तिकीटिंग वेबसाइटवर जा आणि लॉग इन करा.

• नंतर 'तुमचे तिकीट बुक करा' त्यानंतर कुठे जायचे आहे याची माहिती फिल करा

• कधी जायचे आहे त्याची तारीख निवडा.

• प्रवास करताना सीटचा प्रकार AC चेअर कार किंवा एक्झिक्युटिव्ह निवडा.

• प्रवाशांचे तपशील भरा आणि शेवटी, पेमेंट करा. तिकीट बुक होईल.