वारंवार लघवीला जाण्याच्या सवयीने अनेकजण त्रासलेले असतात. अनेकदा लोक वारंवार लघवी होण्याची समस्या जास्त पाणी पिण्यामुळे होते असं मानतात. परंतु अनेक वैद्यकीय परिस्थितींमुळे वारंवार लघवी होण्या देखील एक समस्या असू शकते. जर एखादी व्यक्ती दिवसातून ७-८ वेळा लघवी करत असेल तर ही समस्या उद्भवू शकते. वारंवार लघवी होणं आणि लघवीचा रंग बदलणं हे अनेक आजार दर्शवतं. यामागे नेमकं कोणती कारणं असू शकतात ते पाहूयात.

वारंवार लघवी होण्याची कारणं

मधुमेह

मधुमेह हा आजार रक्तातील साखरेच्या पातळीत वाढ झाल्यामुळे होतो. मधुमेहामुळे एखाद्या व्यक्तीला वारंवार लघवी करण्याची समस्या उद्भवू शकते.

प्रोस्टेट कंडीशंस

वाढलेल्या प्रोस्टेटमुळे देखील सतत लघवीची समस्या उद्भवू शकते. प्रोस्टेटच्या समस्यांमुळे वारंवार लघवी होत असल्यास तुम्हाला डॉक्टरांशी संपर्क साधावा लागेल.

गर्भधारणा

गर्भधारणेदरम्यान महिलांना वारंवार लघवीची समस्या उद्भवू शकते. गर्भात जीव असल्यामुळे मूत्राशयावर दाब येतो आणि वारंवार लघवी होऊ लागते.

कॅफेनचं अधिक सेवन

काही लोकं चहा आणि कॉफीचं सेवन अधिक करतात. जास्त प्रमाणात कॉफी आणि चहाचे जास्त सेवन केल्याने वारंवार लघवी होऊ शकते.

लघवीच्या रंग सांगेल आजाराची माहिती (Urine Color And Diseases)

• जर लघवी स्वच्छ होत असेल तर ते जास्त पाणी पिण्यामुळे असू शकते. जर लघवी हलकी पिवळी असेल तर तुम्ही कमी पाणी पीत आहात.

• जर लघवीचा रंग काहीसा नारंगी असेल तर याचा अर्थ जीवनसत्त्वं आणि औषधं अधिक प्रमाणात शरीरात जातायत. गडद नारिंगी लघवी यकृताच्या समस्या दर्शवते.

• जर लघवीचा रंग हलका गुलाबी किंवा लाल असेल तर ते लघवीमध्ये रक्ताचे लक्षण आहे. कधीकधी हे अन्न किंवा बीटरूटच्या जास्त सेवनामुळे होऊ शकते.

• लघवीमध्ये तुम्हाला फेस दिसत असेल तर ते युटीआय म्हणजेच युरीनरी ट्रॅक इन्फेक्शनचं लक्षण मानलं जातं.

• लघवी गुलाबी किंवा लाल असेल तर ते लघवीमध्ये रक्ताचे लक्षण आहे. कधीकधी हे अन्न किंवा बीटरूटच्या जास्त सेवनामुळे होऊ शकते.