घरामध्ये गहू, तांदूळ आणि इतर धान्यांचा सर्वचजन वर्ष दोन वर्षांसाठी त्याचासाठा करून ठेवत असतात. मात्र, त्याला कीड लागू नये म्हणून् रासायनिक कीटकनाशकांच्या गोळ्या, बोरिक पावडर वापरली जाते. मात्र याचा आपल्या शरीरावर किती घातक परिणाम होतो आणि त्याचा अनेक गंभीर आजाराला निमंत्रण दिले जाते. या गोळ्या आणि पावडरचा गॅस तयार होऊन विषबाधा झाल्याची घटना अहिल्यानगर जिल्ह्यात घडली होती. कीडनाशक वापराचे धोके, काय काळजी घ्यावी हे माहित करून घ्यावे असे कृषि विषयातील तज्ञांनी सांगितले आहे.

धान्यांमधील कीड रोखण्यासाठी कीडनाशकांचा वापर सर्रासपणे केला जातोय. मात्र त्यामुळे अनेक गंभीर आजारांना आपण निमंत्रण देत असून त्यामुळे अन्नधान्यास विषबाधा देखील होऊ शकते. या कीडकनाशकांमध्ये सेल्फॉस हे कीटकनाशक आहे. त्याला अॅल्युमिनियम फॅास्फॅाइड आहे. ते पोटातील हायड्रोक्लारिक आम्लाशी प्रक्रीयेने फॅास्फिन वायु तयार करते, जो रक्तात फिरतो आणि मायटोकॅान्ड्रियाच्या इलेक्ट्रॅान वाहतुक प्रणालीला अर्धांगवायू करू शकतो.

कीटकनाशके पावडरमुळे कोणकोणते आजार होऊ शकतात?

धान्यातून विषबाधा झाल्यास पोटात दुखणे, मळमळ, उलट्या, जुलाब आणि ताप देखील येऊ शकतो असे तज्ञांनी सांगितले आहे.

करा हे पारंपारिक नैसर्गिक उपाय

धान्यामध्ये काही कडूनिंबाची पाने टाकल्यास धान्याला कीड लागत नाही.

तसेच लसणांची गड्डी ठेवल्याने धान्याला कीड लागत नाही.

लवंगचा उग्र वास देखील कीटकांना धान्याजवळ येऊ देत नाही.