आपण काळं मीठ आणि हिंग स्वयंपाकासाठी नेहमी वापरत असतो. पण तुम्हाला माहिती आहे का, की त्यांचे एकत्र सेवन करणे आरोग्यासाठी खूप फायदेशीर आहे. विशेषत: पोटाशी संबंधित समस्यांमध्ये हे खूप फायदेशीर मानले जाते. सकाळी रिकाम्या पोटी काळे मीठ आणि हिंगाचे पाणी पिणे खूप फायदेशीर मानले जाते. चला जाणून घेऊया कोणत्या आरोग्याशी संबंधित समस्यांमध्ये त्यांचे सेवन प्रभावी आहे?
काळे मीठ आणि हिंग फायदे
पचनक्रिया सुधारते: मीठ आणि हिंग दोन्ही पोटाशी संबंधित समस्या दूर करण्यासाठी ओळखले जातात. हे आतड्यांचे आरोग्य सुधारतात. यांचं एकत्र सेवन केल्यास पचनसंस्थेशी संबंधित विकारांना प्रभावीपणे सामोरे जाण्यास मदत होते.
वजन कमी करा: हिंग आणि काळ्या मीठाचे सेवन केल्याने चयापचय वाढून वजन नियंत्रणात राहण्यास मदत होते. आपल्या आहारात या मिश्रणाचा समावेश केल्याने लठ्ठपणा कमी होण्यास मदत होते, विशेषत: ज्यांना जास्त वजन कमी करायचे आहे.
अ‍ॅसिडीटी आणि ब्लोटिंगपासून सुटका : तुम्हालाही ॲसिडिटी आणि ब्लोटिंगच्या समस्येने हैराण केले असेल, तर काळे मीठ आणि हिंगाचे पाणी प्यायला सुरुवात करा. हिंग आणि काळे मीठ यांचे मिश्रण अ‍ॅसिडीटी समस्या कमी करण्यास मदत करू शकते. हे घटक अ‍ॅंटिऑक्सिडंट्स आणि दाहक-विरोधी घटकांनी समृद्ध आहेत, जे जळजळ आणि अ‍ॅसिडिटीच्या समस्यांना प्रभावीपणे सामोरे जाऊ शकतात.
मळमळ पासून आराम : मळमळ पासून आराम मिळवण्यासाठी काळे मीठ आणि हिंग यांचे मिश्रण उत्तम आहे. त्यांचे पाचक गुणधर्म पचन प्रक्रियेस गती देऊ शकतात, ज्यामुळे उलट्या आणि मळमळ पासून आराम मिळतो. हे कोमट पाण्यात मिसळून प्यायल्याने लगेच आराम मिळतो.
बॉडी डिटॉक्सिफिकेशन : हिंग आणि काळे मीठ यांचे मिश्रण शरीराच्या डिटॉक्सिफिकेशनसाठी उत्तम आहे आणि शरीराचे डिटॉक्सिफिकेशन करण्यास मदत करते. कोमट पाण्यात एक चिमूटभर दोन्ही मिसळून प्यायल्याने शरीरातील विषारीपणा कमी होतो.
टीप : वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.
Written By : Sakshi Jadhav