Akshaya Tritiya: हिंदू धर्मामध्ये अक्षय तृतीया (Akshaya Tritiya) या सणाला विशेष महत्व आहे. वर्षातील चार शुभ मुहूर्तांपैकी अक्षय तृतीया हा एक शुभ मुहूर्त मानला जातो. साडेतीन मुहूर्तांपैकी एक असलेल्या अक्षय तृतीयाच्या (Akshaya Tritiya 2023) दिवशी शुभ कार्य केले जाते. असे म्हटले जाते की, या दिवशी एखादे काम केले तर यश मिळते.

वैशाख मासातील शुक्ल पक्षातील तृतीया ही अक्षय तृतीया म्हणून ओळखली जाते. अक्षय तृतीयाच्या दिवशी गृहप्रवेश, सोने खरेदी, घर खरेदी, वाहन खरेदी किंवा मुंडन असे अनेक शुभ कार्यक्रम मुहूर्त न बघता केले जातात. महत्वाचे म्हणजे अक्षय तृतीयेच्या दिवशी दान धर्माला विशेष महत्व आहे. अक्षय तृतीया कधी आहे, त्याचे महत्व आणि पूजनाची योग्य पद्धत काय आहे हे आज आपण जाणून घेणार आहोत...

अक्षय तृतीया 2023 कधी आहे -

अक्षय्य तृतीया येत्या शनिवारी म्हणजेच 22 एप्रिल 2023 रोजी आहे. हिंदु पंचांगानुसार, अक्षय तृतीया 22 एप्रिल 2023 रोजी सकाळी 7.49 वाजल्यापासून सुरु होणार आहे. तर दुसऱ्या दिवशी 23 एप्रिल 2023 रोजी सकाळी 7.47 वाजेपर्यंत असणार आहे.

अक्षय तृतीया 2023 पूजनाचा शुभ मुहूर्त -

अक्षय तृतीयाच्या दिवशी पुजेला विशेष महत्व आहे. या दिवशी पूजनाचा शुभ मुहूर्त 23 एप्रिल 2023 ला सकाळी 7.49 वाजल्यापासून सुरु होईल. तो दुपारी 12.20 वाजेपर्यंत असणार आहे.

अक्षय तृतीया 2023 खरेदीचा शुभ मुहूर्त -

अक्षय तृतीयेच्या दिवशी सोने, वाहन, घर खरेदी केली जाते. या खरेदी करण्यासाठीचा शुभ मुहूर्त हा 22 एप्रिल 2023 ला सकाळी 7.49 वाजल्यापासून सुरु होतो. तर 23 एप्रिल 2023 ला सकाळी 7.47 वाजेपर्यंत असेल.

अक्षय तृतीया 2023 पूजन पद्धत -

आजच्या दिवशी व्रत करणाऱ्या व्यक्तीने सकाळी लवकर उठून स्नान करून पिवळे कपडे घालावेत. यानंतर धूप आणि तुपाचा दिवा लावून पिवळ्या आसनावर बसावं. तुळशीची पूजा करा आणि पिवळ्या फुलांची माळ अर्पण करा. तसंच आजच्या दिवशी विष्णु सहस्रनाम, विष्णू चालीसा म्हणावी. तसंच विष्णूंची आरती देखील करावी. यासह जर पूजा करणाऱ्यांने एखाद्या गरजू व्यक्तीला अन्नदान केल्यास ते देखील खूपच चांगले मानले जाते.

(डिस्क्लेमर: सदर लेख फक्त सामान्य माहितीसाठी आहे. याचा आमच्याशी कोणताही संबंध नाही.)