Manasvi Choudhary
निरोगी आरोग्यासाठी जशी आपण आरोग्याची काळजी घेतो, तशीच दातांची काळजी घेणेही महत्वाचे आहे.
मात्र, आपल्या दैनंदिन जीवनातील काही लहान-सहान सवयींमुळे दातांचे आरोग्य हळूहळू बिघडत जाते आणि दातांच्या समस्या वाढू लागतात. आपण दात कसे घासतो आणि काय खातो-पितो, याचा थेट परिणाम आपल्या दातांवर होत असतो.
अनेकांचा असा समज असतो की जेवढ्या जोराने दात घासले, तेवढे दात अधिक स्वच्छ आणि चकाकणारे होतात. मात्र, ही एक अत्यंत चुकीची सवय आहे, ज्यामुळे दातांच्या आरोग्यावर वाईट परिणाम होतो.
कडक ब्रिसल्सअसलेल्या टूथब्रशने वारंवार दात घासल्यामुळे दातांवरील संरक्षणात्मक थर म्हणजेच 'इनॅमल' निघून जाऊ शकतो, ज्यामुळे दात संवेदनशील होतात.
अतिगोड पदार्थ आणि साखरेचे वारंवार सेवन केल्यामुळे दातांवर जंतू आणि प्लाक जमा होतो, ज्यामुळे दातांच्या समस्या वेगाने वाढतात.
सोडा तसेच आम्ल पेय प्यायल्यानंतर तोंड स्वच्छ न धुण्याची सवय दातांच्या इनॅमलला कमकुवत करते. आम्लयुक्त पेय प्यायल्यानंतर त्वरित तोंड पाण्याने धुणे अत्यंत महत्त्वाचे असते.
लाळ ही तोंडाची नैसर्गिक संरक्षण प्रणाली आहे, जी दातांचे जंतूंपासून रक्षण करते. मात्र, अपुरे पाणी पिणे, कॉफी आणि मद्यपानाचे वारंवार सेवन यामुळे तोंडातील लाळेचे प्रमाण कमी होते आणि दातांच्या समस्या बळावतात.
येथे दिलेली माहिती ही सामान्य ज्ञानावर आधारित आहे. अधिक माहितीसाठी योग्य सल्ला घ्या.
NEXT: Men’s Health Checkup After 30: वयाच्या 30 नंतर पुरुषांनी कराव्यात ‘या’ 7 महत्त्वाच्या हेल्थ टेस्ट