१५ ऑगस्ट हा फक्त दिनदर्शिकेतील एक दिवस नाही, तर तो आपल्या स्वातंत्र्य सैनिकांच्या त्यागाची, संघर्षाची आणि दृढनिश्चयाची जिवंत कहाणी आहे. १९४७ साली भारत ब्रिटीशांच्या गुलामगिरीतून मुक्त झाला आणि जगातील सर्वात मोठ्या लोकशाही राष्ट्राचा जन्म झाला. यावेळी, भारताच्या स्वातंत्र्याशी संबंधित १० महत्वाचे प्रश्न-उत्तरे आम्ही घेऊन आलो आहोत, जे प्रत्येक भारतीयासाठी जाणून घेणे गरजेचे आहे. पुढे त्याची योग्य उत्तरे देण्यात आली आहे.

१. १९४७ मध्ये भारतासोबत दुसरे कोणते राष्ट्र स्वतंत्र झाले?

उत्तर: पाकिस्तान. भारतीय स्वातंत्र्य कायदा १९४७ अंतर्गत ब्रिटिश भारताचे दोन भाग झाले आणि भारत व पाकिस्तान ही दोन स्वतंत्र राष्ट्रे निर्माण झाली.

२. ब्रिटिश भारताचे शेवटचे व्हाइसरॉय कोण होते?

उत्तर: लॉर्ड माउंटबॅटन. स्वातंत्र्यानंतर ते भारताचे पहिले गव्हर्नर जनरल बनले.

३. भारताचा तिरंगा ध्वज कधी स्वीकारण्यात आला?

उत्तर: २२ जुलै १९४७ रोजी संविधान सभेने तिरंग्याला राष्ट्रध्वज म्हणून मान्यता दिली. हा पिंगली वेंकय्या यांनी डिझाइन केला होता.

४. दांडी यात्रा कोणी सुरू केली आणि का?

उत्तर: १९३० मध्ये महात्मा गांधींनी ब्रिटीश मीठ कराच्या निषेधार्थ दांडी यात्रा सुरू केली, जी मीठ सत्याग्रह म्हणून ओळखली जाते.

५. नेताजी सुभाषचंद्र बोस कोणत्या संघटनेचे सेनापती होते?

उत्तर: इंडियन नॅशनल आर्मी (आझाद हिंद फौज).

६. भारताचा राष्ट्रध्वज पहिल्यांदा कधी आणि कुठे फडकवण्यात आला?

उत्तर: ७ ऑगस्ट १९०६ रोजी कोलकात्यातील पारसी बागान स्क्वेअर येथे.

७. भारताच्या राष्ट्रीय गीताचे लेखक कोण?

उत्तर: बंकिमचंद्र चट्टोपाध्याय (‘वंदे मातरम’).

८. भारतीय राष्ट्रध्वजातील तीन रंग कशाचे प्रतिनिधित्व करतात?

उत्तर: भगवा म्हणजे धैर्य व त्याग, पांढरा म्हणजे शांती व सत्य, हिरवा म्हणजे प्रगती.

९. भारत छोडो चळवळीला दुसरे कोणते नाव आहे?

उत्तर: ऑगस्ट क्रांती हे भारत छोडो चळवळीचे दुसरे नाव होते.

१०. ‘जन गण मन’ प्रथम कधी गायले गेले?

उत्तर: २७ डिसेंबर १९११ रोजी, भारतीय राष्ट्रीय काँग्रेसच्या कलकत्ता अधिवेशनात.