आजचे पंचांग

मंगळवार,८ जुलै २०२५,आषाढ शुक्लपक्ष,

भौमप्रदोष.

तिथी-त्रयोदशी २४|३९

रास- वृश्चिक २७|१५ नं. धनु

नक्षत्र-ज्येष्ठा

योग-शुक्ल

करण-कौलव

दिनविशेष-ज्येष्ठा वर्ज्य

मेष - व्यवहार करताना जपून करणे आज गरजेचे आहे. मृत्युभय दाटेल. विनाकारण नको असलेल्या गोष्टींचा ताकादा आज मागे लागेल. डोके शांत ठेवून कामे करावी लागतील.

वृषभ - जोडीदाराशी कसे वागायला पाहिजे हे खरे तर आपल्याला सांगायला नको. आज प्रेमामध्ये दुपटीने वाढ होईल. एकमेकांच्या सहकार्याने पुढे जाण्याचे योग आहेत. मनोरंजनात्मक कलाक्षेत्रात इत्यादी गोष्टींमध्ये दिवस व्यतीत होईल.

मिथुन - मामाचे विशेष प्रेम लाभेल. मनात ठरवलेल्या गोष्टी होताना दिसतील. भले अडचणी आल्या तरी त्यातून योग्य वेळी मार्ग काढणार आहात. दिवस संमिश्र आहे.

कर्क - कला क्रीडा क्षेत्रामध्ये प्रगती होईल. संततीवर विशेष जीव जडेल. विश्वासाने तेही तुमची कामे करतील. विद्यार्थी तसेच विद्यार्थ्यांना आजचा दिवस विशेष अभ्यासासाठी प्रगती देणारा आहे. कौतुकास्पद गोष्टी घडतील.

सिंह - घरामध्ये मोठा होऊन पुढील जबाबदारी घ्यावी लागेल. जमिनीचे व्यवहार मनासारखे पार पडतील. सरकारी कामांमध्ये मात्र दिरंगाई जाणवेल. दिवस चांगला आहे.

कन्या - भावंड सौख्यामध्ये भर पडेल. जवळच्या लोकांनी समजून घेतल्यामुळे कामासाठी वेगळा हुरूप येईल. एखादी गोष्ट ठरवली तर तशीच घडण्यासाठी पेटून उठाल.

तूळ - अडचणींचा सामना करत पुढे जावे लागेल. वारसा हक्काच्या संपत्तीमध्ये उगाचच जवळच्या व्यक्तींची ढवळाढवळ होईल. आपल्या निर्णयावर ठाम राहा. धनाशी निगडित गोष्टी घडतील.

वृश्चिक - मी आणि माझा असा काहीसा आजचा दिवस आहे. स्वतःच्या आनंदासाठी दिवस खर्च कराल. सकारात्मक भावनेने भारलेला दिवस आहे. यश खेचून आणाल.

धनु - दोलायमान मनस्थिती राहील. काही वेळा निर्णय घेण्यासाठी कचराई होईल. अति धाडस धोक्याचे ठरेल. जसे चालू अशी आज कामे करावीत. दिवस संमिश्र आहे.

मकर - परिचितांकडून लाभ होईल. जुन्या मित्र-मैत्रिणी भेटतील. प्रेमाला नवे पंख फुटतील. नवीन स्वप्न आणि आशा घेऊन आलेला आजचा दिवस आहे.

कुंभ - समाजामध्ये आपली पद आणि प्रतिष्ठा वाढण्याचा दिवस आहे. करिअरच्या बाबतीत केलेल्या कामाचा योग्य मोबदला आज मिळेल. आपल्या बॉस कडून कौतुक झाल्यामुळे कॉलर ताठ होईल.

मीन - दत्तगुरूंची उपासना करावी. आलेल्या गोष्टीतून चांगल्या असो अथवा वाईट मार्गक्रमण करण्यासाठी त्याची साथ लाभेल. पौत्रसौख्यासाठी दिवस चांगला आहे. सुवर्ता कानी येतील. मोठे प्रवास घडतील.